Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի ունեցավ Հաղարծնի վանական համալիրի բացման արարողությունը 21.10.2013
Մայր Աթոռ Սուրբ Էջմիածին, Տեղեկատվական համակարգ 19 Հոկտեմբերի, 2013 Հոկտեմբերի 19-ին Տավուշի թեմում, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, տեղի ունեցավ Հաղարծնի վանական համալիրի բացման արարողությունը: Վանքը հիմնանորոգվել է Արաբական Միացյալ Էմիրությունների Գերագույն խորհրդի անդամ, Շարժայի կառավարիչ Նորին Գերազանցություն շեյխ դոկտոր Սուլթան Բին Մոհամմադ Ալ Քասիմիի սրտաբուխ բարերարությամբ:
Գենդերային հարցերով զբաղվող մշտական հանձնաժողովն անցավ վերապատրաստում 18.10.2013
ՀՀ աշխատանքի և սոցիալական հարցերի նախարարությունը Աշխատանքի և սոցիալական հետազոտությունների ազգային ինստիտուտի հետ համատեղ հոկտեմբերի 16-ից 17-ը Տավուշի մարզպետարանում անցկացրեց գենդերային հարցերով մշտական հանձնաժողովի վերապատրաստման երկօրյա դասընթացներ:
Բերքաբերում օծվեց Սուրբ Գևորգ եկեղեցին 18.10.2013
Հայ-ադրբեջանական սահմանին կանգնած Բերքաբեր համայնքում հոկտեմբերի 17-ին նախադեպը չունեցած տոնակատարություն էր: Պատերազմ տեսած ու բազմաթիվ զոհեր տված գյուղի հավատավոր ժողովրդի առջև այդ օրն իր դռները բացեց Սուրբ Գևորգ նորակառույց եկեղեցին: Եկեղեցին կառուցվել է գյուղի կենտրոնում` սփյուռքահայ բարերարներ Ժիրայր և Սիրանուշ Կանելյանների հովանավորությամբ՝ ի հիշատակ սիրելի ծնողների՝ Խաչիկ և Նազելի Կանելյանների:
Նոր հրշեջ կետ` Տավուշի մարզում 16.10.2013
Հոկտեմբերի 12-ին ԱԻ նախարար Արմեն Երիցյանը փրկարար ծառայության ղեկավարության հետ աշխատանքային այցով եղավ Տավուշի մարզում: Այցելեց Դիլիջանի, Իջևանի, Բերդի հրշեջ-փրկարարական ջոկատներ,անձամբ ստուգեց իրեն զեկուցածը` կատարված աշխատանքները: Հանդիպեց մարզպետ Արմեն Ղուլարյանին, ներկայացրեց իրավիճակը, և պայմանավորվեցին միավորել ուժերը մարզում հրշեջ-փրկարարների աշխատանքային պայմանները բարելավելու նպատակով: ԱԻ նախարարը մասնակցեց նաև մարզխորհրդի նիստին, հանդես եկավ զեկուցումով և պատասխանեց տավուշցիների հարցերին:
Տավուշի մարզխորհրդի նիստում 14.10.2013
Հոկտեմբերի 12-ին տեղի ունեցավ Տավուշի մարզխորհրդի հերթական նիստը, որը վարեց մարզպետ Արմեն Ղուլարյանը: Նիստին մասնակցում էին ՀՀ արտակարգ իրավիճակների նախարար Արմեն Երիցյանը, ԱԻՆ փրկարար ծառայության տնօրեն, փրկարար ծառայության գեներալ-մայոր Սերգեյ Ազարյանը և ԱԻՆ փրկարար ծառայության տնօրենի տեղակալ, փրկարար ծառայության գեներալ-մայոր Նիկոլայ Գրիգորյանը: Առաջին հարցով լսվեց Տավուշի մարզպետարանի աշխատակազմի ղեկավարի տեղակալ Ֆելիքս Ափինյանի զեկույցը քաղպաշտպանության բնագավառում կատարած աշխատանքների վերաբերյալ:
Երևանի հիմնադրման 2795-ամյակի կապակցությամբ Տավուշի մարզպետ Արմեն Ղուլարյանը շնորհավորական նամակ է ուղարկել Երևանի քաղաքապետ Տարոն Մարգարյանին, որտեղ մասնավորապես գրված է. ,,Հարգելի պարոն Մարգարյան, Տավուշի մարզի բնակչության և անձամբ իմ անունից ջերմորեն շնորհավորում եմ Ձեզ Էրեբունի-Երևանի 2795-ամյակի կապակցությամբ: Գրեթե երեք հազարամյակ է անցել պատմական այն օրվանից, երբ Ուրարտական թագավոր Արգիշտի Առաջինը մակագրեց Էրեբունի մայրաքաղաքի ծննդյան վկայականը:
