Տեղեկատվական կենտրոն
Նորություններ
Բաց դռների օր՝ Իջևանի պոլիկլինիկայում 15.07.2013
Տավուշի մարզպետարանի աշխատակազմի առողջապահության և սոցիալական ապահովության վարչությունից տեղեկացնում են, որ հուլիսի 19-ին, Հայ առաքելական եկեղեցու հովանավորությամբ, Իջևանի պոլիկլինիկայում ,,Սուրբ Ներսես Մեծ,, գիտաբժշկական կենտրոնի առաջատար մասնագետների մասնակցությամբ կիրականացվի բաց դռների օր սրտաբան, էնդոկրինոլոգ, ուրոլոգ, գաստրոէնտերոլոգ, քիթ-կոկորդ-ականջաբան, նյարդաբան, գինեկոլոգ, սոոնոգրաֆիստ, վիրաբույժ-վնասվածքաբան բժշկական մասնագիտությունների գծով:
ՄԱՐԶԽՈՐՀՐԴԻ ՀԵՐԹԱԿԱՆ ՆԻՍՏՈՒՄ 13.07.2013
Հուլիսի 12-ին տեղի ունեցավ Տավուշի մարզխորհրդի հերթական նիստը, որը վարեց մարզպետ Արմեն Ղուլարյանը: Օրակարգի առաջին երկու հարցով զեկուցեց մարզպետարանի ֆինանսական և սոցիալ-տնտեսական զարգացման վարչության պետ Ռոբերտ Ներսեսյանը: Առաջին զեկույցը սահմանամերձ համայնքների՝ հողի հարկ վճարող ֆիզիկական և իրավաբանական անձանց գումար հատկացնելու մասին էր: Երկրորդ հարցով Ռոբերտ Ներսեսյանը ներկայացրեց մարզի համայնքների 2013թ. տեղական բյուջեների սեփական եկամուտների առաջին կիսամյակի կատարողականը: Հուլիսի 1-ի դրությամբ մարզի համայնքների եկամուտների փաստացի մուտքը կազմել է 1103,1 մլն. դրամ, որը նախատեսված եկամուտների 94,9 տոկոսն է, իսկ սեփական եկամուտների հավաքագրումը կազմել է 243,6 մլն. դրամ կամ կատարվել է նախատեսվածի 80,8 տոկոսը:
Քաղաքացիների ընդունելություն Տավուշի մարզպետարանում 13.07.2013
Հուլիսի 13-ին Տավուշի մարզպետ Արմեն Ղուլարյանի մոտ տեղի ունեցավ քաղաքացիների ընդունելություն: Ընդունելության համար հաշվառված 15 քաղաքացիներից ներկայացել էին 12-ը: Ընդունելության դիմած քաղաքացիները Դիլիջան, Իջևան, Այգեհովիտ, Հովք և Ոսկեպար համայնքներից էին: Քաղաքացիներից 4-ը դիմել էին աշխատանքի տեղավորման հարցով, 1-ը բնակարանի, 2-ը՝ հողամասի հետ կապված խնդրով, 1-ը՝ ֆինանսական: 4 քաղաքացի էլ դիմել էր այլ բնույթի հարցերով: Բնակիչների կողմից բարձրացված հարցերի լուծման նպատակով մարզպետը հանձնարարականներ տվեց համապատասխան ստորաբաժանումներին:
![Ամփոփվեցին ծրագրի արդյունքները Ամփոփվեցին ծրագրի արդյունքները](http://tavush.mtad.am/files/n_pics/3506_s.jpg)
Ամփոփվեցին ծրագրի արդյունքները 12.07.2013
Տավուշի մարզում ամփոփվեցին ,,Առողջ սկիզբ,, ծրագրի արդյունքները: Ծրագրի քննարկման ու ամփոփման աշխատանքներին, որ տեղի ունեցան Տավուշի մարզպետարանում, մասնակցում էին համայնքների ղեկավարներ, դպրոցների տնօրեններ, սոցիալական աշխատողներ:
![Տավուշի մարզի Ենոքավան համայնքում ստեղծվեց ,,Արոտօգտագործողների միավորում,, սպառողական կոոպերատիվ Տավուշի մարզի Ենոքավան համայնքում ստեղծվեց ,,Արոտօգտագործողների միավորում,, սպառողական կոոպերատիվ](http://tavush.mtad.am/files/n_pics/3490_s.jpg)
Տավուշի մարզի Ենոքավան համայնքում ստեղծվեց ,,Արոտօգտագործողների միավորում,, սպառողական կոոպերատիվ 11.07.2013
Խթանել անասնապահության զարգացումը և անասնապահությունը գյուղացու համար դարձնել եկամտաբեր զբաղմունք. սա է Համաշխարհային բանկի կողմից իրականացվող Համայնքների գյուղատնտեսական ռեսուրսների կառավարման և մրցունակության վարկային ծրագրի նպատակը: Ծրագրի շրջանակներում Տավուշի մարզի Կիրանց, Աչաջուր, Սևքար, Սարիգյուղ, Ներքին Ծաղկավան, Լուսաձոր, Ոսկեպար, Ջուջևան, Դովեղ, Բաղանիս համայնքներում հիմնվել են ,,Արոտօգտագործողների միավորում,, սպառողական կոոպերատիվներ, որոնք զբաղվում են արոտների արդյունավետ օգտագործմամբ:
Բաց դռների օր 10.07.2013
Տավուշի մարզպետարանի աշխատակազմի առողջապահության և սոցիալական ապահովության վարչությունից տեղեկացնում են, որ հուլիսի 12-ին Իջևանի պոլիկլինիկայում Երևանի ,,Արաբկիր՚՚ բժշկական համալիրի առաջատար մասնագետների կողմից անց է կացվելու բաց դռների օր: Դիմել կարող են բոլոր նրանք, ում երեխաներն ունեն խորհրդատվական ծառայության կամ լրացուցիչ հետազոտման խնդիրներ: