Տեղեկատվական կենտրոն
Նորություններ
Աշխատանքային քննարկում
24.07.2014
Հուլիսի 24-ին Տավուշի մարզպետարանի ուսումնական կենտրոնում տեղի ունեցավ աշխատանքային քննարկում, որին մասնակցում էին մարզի զարգացման ծրագրի ոլորտային խմբերի ղեկավարները, հասարակական կազմակերպությունների ներկայացուցիչներ, հարցով շահագրգռվածներ: ՕՔՍՖԱՄ-Հայաստան կազմակերպության կողմից իրականացվող <<Տնտեսական արդարություն և պարենային անվտանգություն>> ծրագրի շրջանակներում քննարկվեց <<ՀՀ Տավուշի մարզի 2012-2015 թ.թ. սոցիալ-տնտեսական զարգացման ծրագրի գենդերային ուղղորդում>> հարցը: Քննարկումը վարեցին գենդերային հարցերով փորձագետներ Ջինա Սարգիզովան, Թամարա Հովնաթանյանը և Լիլիթ Զաքարյանը: Ընդգծելով քննարկման կարևորությունը՝ Ջինա Սարգիզովան նախ ներկայացրեց ծրագրի նպատակները, մեթոդաբանությունը և խնդիրները, այնուհետև անդրադարձավ գենդերային հետազոտությունների արդյունքներին: Բանախոսներն ըստ ոլորտների անդրադարձան մարզի 2012-2015 թ.թ. սոցիալ-տնտեսական զարգացման ծրագրում տեղ գտած գենդերային հիմնախնդիրներին՝ կատարելով ընդհանուր եզրահանգումներ և ներկայացնելով իրենց առաջարկությունները: Քննարկումը եզրափակվեց հարց ու պատասխանով: