Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Վերին Կարմիրաղբյուր գյուղում օծվեց Սուրբ Հովհաննես մատուռը

Վերին Կարմիրաղբյուր գյուղում օծվեց Սուրբ Հովհաննես մատուռը 11.11.2013

Նոյեմբերի 9-ին Տավուշի մարզի Վերին Կարմիրաղբյուր գյուղում տոնական տրամադրություն էր: Օծվեց նորակառույց Սուրբ Հովհաննես մատուռը: Տուֆակերտ եկեղեցին կառուցվել է ծնունդով կարմիրաղբյուրցի մոսկվայաբնակ Մաքսիմ Անուշավանի Օհանյանի նախաձեռնությամբ և միջոցներով: Եկեղեցու բացմանը ներկա էր ՀՀ ԶՈւ գլխավոր շտաբի պետ գեներալ-գնդապետ Յուրի Խաչատուրովը, Տավուշի մարզպետ Արմեն Ղուլարյանը, ՀՀ ԱԺ պատգամավոր Հակոբ Հակոբյանը, զինվորականներ ու վերին կարմիրաղբյուրցիներ:

Մեկնարկել է Հայաստանի դպրոցականների շախմատի 8-րդ օլիմպիադան

Մեկնարկել է Հայաստանի դպրոցականների շախմատի 8-րդ օլիմպիադան 11.11.2013

Մեկնարկել է Հայաստանի դպրոցականների շախմատի 8-րդ օլիմպիադան: Այն անցկացվում է 4 փուլով` ներդպրոցական, տարածաշրջանային, մարզային և հանրապետական: Նոյեմբերի 8-ին Իջևանի թիվ 1 հիմնական դպրոցում մրցում էին Իջևանի տարածաշրջանի դպրոցականները` մարզային փուլի ուղեգիր ձեռք բերելու համար: Մասնակցում էր 24 թիմ, յուրաքանչյուր թիմում` 3 աղջիկ և 3 տղա: Արդյունքում 4 տարածաշրջաններից մարզային փուլ դուրս եկավ մեկական թիմ: Իջևանի տարածաշրջանից մարզային փուլին մասնակցելու է Իջևանի ավագ դպրոցի թիմը, Նոյեմբերյանի տարածաշրջանից` Ջուջևանի դպրոցի թիմը, Դիլիջանի և Բերդ տարածաշրջաններից` Դիլիջանի և Բերդի ավագ դպրոցների թիմերը:

Հայ ժողովրդի վաղեմի բարեկամ Նիկոլայ Ռիժկովը Տավուշի մարզում էր

Հայ ժողովրդի վաղեմի բարեկամ Նիկոլայ Ռիժկովը Տավուշի մարզում էր 08.11.2013

Նոյեմբերի 7-ին Տավուշի մարզում էր ՀՀ ԱԺ և ՌԴ Դաշնային ժողովի միջև համագործակցության միջխորհրդարանական հանձնաժողովի Հայաստանում գտնվող պատվիրակությունը՝ ռուսաստանյան կողմի համանախագահ, Հայաստանի ազգային հերոս Նիկոլայ Ռիժկովի և հայաստանյան կողմի համանախագահ, ԱԺ փոխնախագահ Հերմինե Նաղդալյանի գլխավորությամբ: Շուրջ 16 տարի գործող հայ-ռուսական միջխորհրդարանական հանձնաժողովի ակտիվ աշխատանքի արդյունքում երկու երկրների խորհրդարանների միջև ձևավորվել է կայուն և դինամիկ զարգացող հարաբերություններ: Տավուշի մարզպետ Արմեն Ղուլարյանի ուղեկցությամբ պատվիրակությունը այցելեց Դիլիջանի միջազգային դպրոց, որտեղ ընթանում են ակտիվ շինարարական աշխատանքներ:

Արժանացան Արտակարգ իրավիճակների նախարարի պատվոգրի

Արժանացան Արտակարգ իրավիճակների նախարարի պատվոգրի 08.11.2013

Փրկարարական և բժշկական ստորաբաժանումների համագործակցությունը կատարելագործելու, ինչպես նաև՝ Հայաստանում ՄԱԿ-ի որոնողափրկարարական միջազգային խորհրդատվական խմբի /INSARAG/ չափանիշներին համապատասխան փրկարարական կառույց ունենալու նպատակով՝ Գեղարքունիքի մարզի Մարտունի քաղաքում անցկացվեց > ծրագրի շրջանակներում ստեղծված բժշկական ստորաբաժանումների միջև մրցութային ավարտական միջոցառումը: Միջոցառմանը ներկա էին Արտակարգ իրավիճակների նախարար Արմեն Երիցյանը, Հայաստանում Շվեյցարիայի դեսպան Լուկաս Գասերը, բազմաթիվ հյուրեր:

Նոյեմբերյանում բացվեց ընտանեկան բժշկի  անկախ պրակտիկայի  բժշկական կենտրոն

Նոյեմբերյանում բացվեց ընտանեկան բժշկի անկախ պրակտիկայի բժշկական կենտրոն 07.11.2013

Ընտանեկան բժիշկ Արևհատ Յարալյանի նախաձեռնությամբ օրերս Նոյեմբերյանում բացվեց ընտանեկան բժշկի անկախ պրակտիկայի բժշկական կենտրոն: Կենտրոնի բացման հանդիսավոր արարողությանը ներկա էր Տավուշի մարզպետ Արմեն Ղուլարյանը: Շնորհավորանքի իր խոսքում մարզպետը նշեց, որ թեպետ առողջապահության ոլորտում կատարվող ներդրումները ռիսկային են, սակայն այն անհատը, ով ունի բավարար գիտելիքներ, հմտություն ու դժվարությունները հաղթահարելու կամք ու համառություն, անպայման կկարողանա հասնել հաջողությունների: Դրա վառ օրինակը...

Տավուշի մարզում էր ԱԺ նախագահ Հովիկ Աբրահամյանը

Տավուշի մարզում էր ԱԺ նախագահ Հովիկ Աբրահամյանը 06.11.2013

Նոյեմբերի 5-ին Տավուշի մարզ էր այցելել Ազգային ժողովի նախագահ Հովիկ Աբրահամյանը: Այցի ընթացքում խորհրդարանի ղեկավարին ուղեկցում էին ՀՀ փոխվարչապետ, տարածքային կառավարման նախարար Արմեն Գեւորգյանը, Տավուշի մարզպետ Արմեն Ղուլարյանը, ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Արտակ Դավթյանը, ԱԺ պատգամավորներ Կարինե Աճեմյանը, Ռուբեն Հակոբյանը, Ռուզաննա Մուրադյանը, Կարինե Պողոսյանը, Շուշան Պետրոսյանը, Աղվան Վարդանյանը, Հակոբ Հակոբյանը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-08-21 15:43:30