Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մեկնարկել են շաբաթօրյակի աշխատանքները 29.07.2017
Տավուշի մարզում, ինչպես նախատեսվել էր , այսօր վաղ առավոտյան մեկնարկել են համապետական շաբաթօրյակի աշխատանքները: Ըստ նախնական տվյալների մարզում պետք է շաբաթօրյակի դուրս գա 9000 մարդ և պետք է օգտագործվի 115 միավոր տեխնիկա:
Վերին Կարմիրաղբյուրից տեղեկացնում են 29.07.2017
Արդեն Տավուշի մարզի համայնքներից ստացվում են տվյալներ շաբաթօրյակի ընթացքի վերաբերյալ: Վերին Կարմիրաղբյուրից հայտնեցին, որ այս պահին ընթանում են գյուղի հրապարակի մաքրման աշխատանքները: Օգտագործվում են աղբահանության մեքենան և տրակտորը: Այդ հատվածի մաքրմանը հիմնականում մասնակցում են համայնքային ենթակայության հիմնարկությունների աշխատակիցները, մասնավորապես՝ արվեստի դպրոցի:
Արծվաբերդ համայնքից տեղեկացնում են 29.07.2017
Արծվաբերդ համայնքից, համայնքի ղեկավարի տեղակալ Կորյուն Մատինյանը հայտնեց, որ արդեն մաքրվել են գյուղամիջյան և հարակից փողոցները: Հիմա աշխատում են աղբավայրի փակման ուղղությամբ : 3-4 մեքենա արդեն բարձել են, ևս 12 մեքենա դեռ պետք է տեղափոխեն հատկացված աղբավայր: Մասնակցում են համայնքային ենթակայության բոլոր հիմնարկությունների աշխատակազմերը, ներգրավվել են նաև գյուղի բնակիչները:
Շաբաթօրյակի ընթացքը Այգեհովիտ համայնքում 29.07.2017
Այգեհովիտում շաբաթօրյակի են դուրս եկել 100 մարդ, օգտագործվում է 2 միավոր տեխնիկա, 60 միավոր գործիք, հավաքվել է 40 խորանարդ մետր աղբ:
Մարզկենտրոն Իջևանում 29.07.2017
Տավուշի մարզկենտրոն Իջևանի քաղաքապետարանից տեղեկացնում են, որ միայն քաղաքապետարանի ենթակայությամբ գործող կազմակերպություններից համապետական շաբաթօրյակին մասնակցում են 150 աշխատակից: Իրենց մասնակցությունն են ունեցել նաև ոստիկանության Իջևանի բաժնի, Տավուշի մարզպետարանի, զբաղվածության մարզային կենտրոնի, ԵՊՀ Իջևանի մասնաճյուղի և այլ կազմակերպությունների աշխատակազմերը: Շաբաթօրյակին ակտիվ մասնակցում են նաև մանկապարտեզի երեխաների ծնողները:
Դիտավան համայնքից տեղեկացնում են 29.07.2017
Համապետական շաբաթօրյակին մասնակցում են 30 աշակերտ, 6 համայնքային աշխատող և 20 բնակիչ: Օգտագործվել է 1 միավոր տեխնիկա, 15 միավոր գործիք, մաքրվել է 3,4 կմ ճանապարհ, դպրոցի, ակումբի շրջակայքը, գյուղամիջյան ճանապարհներ:
