Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Տավուշի մարզպետ Հայկ Ղալումյանն աշխատանքային խորհրդակցություն է անցկացրել 25.04.2023
Տավուշի մարզպետ Հայկ Ղալումյանն այսօր աշխատանքային խորհրդակցություն է անցկացրել, որին մասնակցել են խոշորացված համայնքների ղեկավարները, մարզպետի տեղակալները, մարզպետարանի գլխավոր քարտուղարն ու ստորաբաժանումների ղեկավարները։ Խորհրդակցությանը քննարկվել են մի շարք հարցեր, որոնք հիմնականում վերաբերել են քաղաքաշինության, կրթության ոլորտներին և սուբվենցիոն ծրագրերի ընթացքին: Մարզպետը նաև նոր հանձնարարականներ է տվել համայնքների և ստորաբաժանումների ղեկավարներին ապրիլի 29-ին...
Քննարկվել են դպրոցաշինությանը և մանկապարտեզաշինությանն առնչվող հարցեր 25.04.2023
Տավուշի մարզպետ Հայկ Ղալումյանն այսօր հանդիպել է մարզի շինարարական կազմակերպությունների ղեկավարների հետ։ Հանդիպման ընթացքում քննարկվել են «300 դպրոց և 500 մանկապարտեզ» պետական ծրագրով մարզում դպրոցաշինությանը և մանկապարտեզաշինությանն առնչվող հարցեր։ Նշվել է, որ առաջիկայում, 2023-2024թ․թ․, մարզում կկառուցվի հինգ նոր դպրոց։ Հանդիպմանը քննարկվել են գրավի ապահովման հնարավորությունները, անդրադարձ է եղել նաև ծրագրի հետ կապված այլ մանրամասների։
Հարգանքի տուրք` Հայոց ցեղասպանության զոհերի հիշատակին 24.04.2023
Այսօր Հայոց մեծ եղեռնի զոհերի հիշատակի կապակցությամբ սգո երթ էր կազմակերպվել: Տավուշի մարզպետ Հայկ Ղալումյանը, Իջևանի համայնքապետ Արթուր Ճաղարյանը և մի շարք պաշտոնատար անձինք, մտավորականության, քաղաքացիական հասարակության ներկայացուցիչներ, ուսանողներ ու դպրոցականներ Իջևանում այցելել են 1915թ. Ցեղասպանության անմեղ զոհերի հուշակոթողին, ծաղիկներ և ծաղկեպսակ են դրել նրանց հիշատակին:
ՈՒՇԱԴՐՈՒԹՅՈՒՆ 20.04.2023
2023թ. ապրիլի 21-ին Իջևան համայնքի Սարիգյուղ բնակավայրում ժամը 10։00-ից 15-00-ն ՀՀ ՆԳՆ ՓԾ Տավուշի մարզային փրկարարական վարչությունը անց է կացնելու «Բնակչության ազդարարման, պատսպարման և տարհանման աշխատանքների իրականացումը» թեմայով վարժանքներ։ Գործարկվելու է բնակչության ազդարարման շչակը: Խնդրում ենք չանհանգստանալ:
Ֆուտզալի հանրապետական եզրափակիչ փուլին մասնակցելու ուղեգիրը նվաճել է Աչաջրի միջնակարգ դպրոցի թիմը 20.04.2023
Դիլիջանում կայացել են ՀՀ մարզերի, Երևան քաղաքի և Արցախի Հանրապետության հանրակրթական դպրոցների 7-12-րդ դասարանների աշակերտների միջև սպարտակիադայի ծրագրով ֆուտզալի միջմարզային փուլի մրցումները։ Միջմարզային փուլի մրցումներում պայքարի էին դուրս եկել Գեղարքունիքի, Կոտայքի և Տավուշի մարզերի թիմերը։ Համառ պայքարում հաղթելով մրցակիցներին՝ ֆուտզալի հանրապետական եզրափակիչ փուլին մասնակցելու ուղեգիրը նվաճել է Տավուշի մարզի Իջևան համայնքի Աչաջրի միջնակարգ դպրոցի թիմը։
ՀՀ Տավուշի մարզպետ Հայկ Ղալումյանի շնորհավորական ուղերձը Հարկ վճարողի օրվա առթիվ 19.04.2023
Հարգելի հայրենակիցներ, շնորհավորում եմ բոլորիս Հարկ վճարողի օրվա առթիվ։ Կարևորելով հարկ վճարողների դերը պետականաշինության գործում` 2021 թվականին որոշում է ընդունվել ապրիլի 19-ը սահմանել որպես Հարկ վճարողի օր: «Հայաստանի Հանրապետությունում հարկերի մասին» ՀՀ օրենքն առաջին անգամ ընդունվել է 1992 թվականի ապրիլի 19-ին, որով մեր երկրում ձևավորվել են հարկային համակարգն ու նրա սկզբունքները, հարկային մարմնի և հարկ վճարողի հարաբերությունները:...
