Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տավուշի մարզիկների հաջողությունները շարունակվում են 02.12.2019
«Պրոֆեսիոնալ «ԱրմՖայթինգ» ֆեդերացիայի» նախաձեռնությամբ՝ դեկտեմբերի 1-ին տեղի է ունեցել «ԱրմՖայթինգ» ֆեդերացիայի Հայաստանի առաջնությունը, որին մասնակցել են ՀՀ մարզերի բոլոր մարզական ակումբների մարզիկները:
Ստորագրվել է «Ջուջևան գյուղում խմելու ջրի մատակարարման» դրամաշնորհային պայմանագիր 02.12.2019
Նոյեմբերի 29-ին ՀՀ տարածքային կառավարման և ենթակառուցվածքների նախարարությունում Հայաստանում Ճապոնիայի դեսպանության հետ ստորագրվել է «Ջուջևան գյուղում խմելու ջրի մատակարարման» դրամաշնորհային պայմանագիրը:
Ուշադրություն 02.12.2019
Հարգելի քաղաքացիներ, ներկայացնում ենք փոքր ու միջին ջերմատնային տնտեսությունների ներդրման պետական աջակցության, «Հայաստանի Հանրապետությունում 2019-2023 թվականների ոչխարաբուծության և այծաբուծության զարգացմանը պետական աջակցության», «Հայաստանի Հանրապետությունում 2019-2024 թվականների տավարաբուծության զարգացման» և «Գյուղատնտեսության ոլորտում ապահովագրական համակարգի ներդրման փորձնական ծրագրի իրականացման համար պետական աջակցության» ծրագրերը։
Սահմանամերձ Բաղանիս համայնքի դպրոցի ջեռուցման խնդիրը կարճ ժամանակում լուծում կստանա 01.12.2019
Մարզպետ Հայկ Չոբանյանն այցելել է սահմանամերձ Բաղանիս համայնք: Հայկ Չոբանյանը շրջել է դպրոցում, զրուցել է ուսուցիչների ու աշակերտների հետ, ծանոթացել է դպրոցում առկա խնդիրներին: Դպրոցի ամենակարևոր խնդիրն այս պահին ջեռուցումն է: Դպրոցը տաքացնում են փայտով, սակայն այն ունի ջեռուցման համակարգ, որն այս պահին չի գործում: Մարզպետն ասաց, որ այդ խնդիրը կլուծվի հնարավորինս շուտ:
Աշխատանքային այց Ջուջևան համայնք 01.12.2019
Մարզպետ Հայկ Չոբանյանն այցելել է Ջուջևան համայնք։ Ջուջևանում մարզպետը ծանոթացել է համայնքում այս տարի կատարված աշխատանքներին և այն խնդիրներին, որոնց պետք է շուտափույթ լուծում տալ։ Հայկ Չոբանյանը շրջել է համայնքում, այցելել է մանկապարտեզ, դպրոց և կաթի վերամշակման արտադրամաս։
Տավուշը մասնակցել է «Բարի Գալուստ Հայաստան» տոնավաճառին 01.12.2019
Նոյեմբերի 30֊ին տեղի է ունեցել ՀՀ Արտաքին գործերի նախարարության «Բարի Գալուստ Հայաստան» դիվանագիտական ասոցիացիայի կողմից կազմակերպված ամանորյա բարեգործական տոնական ցուցահանդես-վաճառքը։ Տոնավաճառին մասնակցել է նաև Տավուշի մարզը։ Առանձին տաղավարով ներկայացվել են մարզում արտադրվող արտադրանքները։ Մարզը ներկայացրել է "Տավուշի հոգևոր վերածնունդ" հիմնադրամի տնօրեն Արմինե Թումանյանը։
