Տավուշի մարզպետի աշխատակազմ

Հայաստանի Հանրապետության Տավուշի մարզպետարանը (այսուհետ` Մարզպետարան) հայտարարում է զարգացման ծրագրերի, զբոսաշրջության և վերլուծության բաժնում ծրագրերի համակարգման փորձագետ ներգրավելու համար
Փորձագետը ներգրավվում է Մարզպետարանում ծրագրերի համակարգման ոլորտի գործառույթներն իրականացնելու նպատակով:

Աշխատանքային պարտականություններն են՝

 Կառավարել ծրագրերի շահառուների հետ հարաբերությունները:
 Ստեղծել և վարել ծրագրերի համապարփակ փաստաթղթաշրջանառություն:
 Կազմակերպել և մասնակցել շահառուների հանդիպումներին:
 Բացահայտել ծրագրերի փոփոխությունները և ապահովել վերջնաժամկետներին համապատասխանությունը:
 Անհրաժեշտության դեպքում տրամադրել վարչական աջակցություն:
 Գնահատել ծրագրերի ռիսկերն ու խնդիրները և տրամադրել լուծումներ՝ անհրաժեշտության դեպքում:
 Զարգացնել սոցիալական ձեռներեցության խրախուսման ծրագրեր:
 Զարգացնել մարքեթինգային պլան:
 Աջակցել տեղական փառատոնների համակարգմանը:
 Կազմակերպել մարզի զարգացման ծրագրերի մշակման, քննարկման և հաստատման
 աշխատանքների կատարումը:
 Ապահովել մարզի զարգացման ծրագրերի ներդաշնակեցումը Հայաստանի Հանրապետության կառավարության երկարաժամկետ և միջնաժամկետ ռազմավարական ծրագրերին` հաշվի առնելով մարզի սոցիալ-տնտեսական վիճակի առանձնահատկությունները:
 Կազմակերպել և ղեկավարել մարզային նշանակության նպատակային ծրագրեր իրականացնող միջազգային և այլ դոնոր կազմակերպությունների ու ծրագրերի հետ համագործակցության աշխատանքները:
 Կազմակերպել յուրաքանչյուր տարվա համար նախորդ տարվա ծրագրերի կատարողականի վերլուծության ամփոփման աշխատանքները և կառուցվածքային ստորաբաժանումների հետ համատեղ Գլխավոր քարտուղարի միջոցով Մարզպետի հաստատմանն է ներկայացնել ըստ ոլորտների զարգացման տարեկան ծրագիրը:
 Մարզպետին անհրաժեշտ տեղեկատվություն տրամադրել մարզի սոցիալ-տնտեսական վիճակի վերաբերյալ:
 Ապահովել ոլորտին վերապահված Մարզպետարանի ինտերնետային էջի թարմացման աշխատանքները` իրազեկելով ազգաբնակչությանը մարզի զարգացման ծրագրերի վերաբերյալ:
 Կազմակերպել մասնավոր հատվածի, փոքր և միջին ձեռնարկատիրության զարգացմանն ուղղված համագործակցության աշխատանքները:
 Կազմակերպել զարգացման ծրագրի մոնիտորինգի և գնահատման աշխատանքները:
 Կազմակերպել գյուղատնտեսության, բնապահպանության, արդյունաբերության ոլորտների զարգացման գերակայությունների, զարգացման միտումների վերլուծությանն ու այդ ոլորտների զարգացմանն ուղղված ծրագրերի մշակման աշխատանքները և նպաստում դրանց իրականացմանը.
 Ապահովել մարզում զբոսաշրջության ոլորտի պետական քաղաքականության մշակման և իրականացման աշխատանքները,
 Ապահովել այլ երկրների համապատասխան մարմինների և միջազգային զբոսաշրջային կազմակերպությունների հետ հարաբերություններում Հայաստանի Հանրապետությունը և մարզը ներկայացնելու, բանակցային գործընթացի իրականացման, զբոսաշրջային բնագավառում մարզին վերաբերող համագործակցության փաստաթղթերի, ծրագրերի մշակման աշխատանքները:
 Ծրագրերի համակարգման փորձագետն ունի Օրենքով, այլ իրավական ակտերով նախատեսված այլ իրավունքներ (սոցիալական երաշխիքներ) և կրում է այդ ակտերով նախատեսված այլ պարտականություններ (սահմանափակումներ):

Փորձագետին ներկայացվող պահանջներն են.
1. Բարձրագույն կրթություն
2. Ծրագրերի համակարգման ոլորտում աշխատանքային փորձ
3. Արտերկրյա մասնագիտական գործունեության փորձառություն
4. Թիմում աշխատելու և թիմ ղեկավարելու փորձ
5. Ծրագրերի համակարգման ժամանակակից տեղական և համաշխարհային միտումների իմացություն
6. Օտար լեզուների իմացությունը կդիտվի որպես առավելություն

Փորձագետ ներգրավելու ժամկետն է 8 /ութ/ ամիս:

Դիմող ՀՀ քաղաքացիները պետք է ներկայացնեն հետևյալ փաստաթղթերը.
◆ դիմում ՀՀ Տավուշի մարզպետարանի գլխավոր քարտուղարի անունով
◆ տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի(ների), վկայական(ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին,
◆ արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակների հետ միասին, կամ համապատասխան տեղեկանք,
◆ մեկ գունավոր լուսանկար 3X4 սմ չափսի,
◆ անձնագրի կամ նույնականացման քարտի պատճենը,
◆ Հայտարարություն նշված սահմանափակումների բացակայության մասին՝
◆ պաշտոնից ազատվել կամ ծառայությունը վերջին մեկ տարվա ընթացքում դադարեցվել է կարգապահական տույժ կիառելու,
◆ օրենքով սահմանված փորձաշրջանը չանցնելու,
◆ օրենքի խախտմամբ պաշտոնի նշանակվելու,
◆ «Հանրային ծառայության մասին» Հայաստանի Հանրապետության օրենքով սահմանված անհամատեղելիության պահանջները չպահպանելու,
◆ Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում:

Քաղաքացին փաստաթղթերը ներկայացնում է անձամբ, կամ էլեկտրոնային փոստի միջոցով:
Աշխատավայրը` ք. Իջևան, Սահմանադրության 1
Փաստաթղթերն ընդունվում են ամեն օր` ժամը 09:00 – 13:00, բացի շաբաթ և կիրակի օրերից:
Դիմումների ընդունման վերջնաժամկետն է` 2019 թ. ապրիլի 22-ը ներառյալ:
Լրացուցիչ տեղեկությունների համար դիմել ՀՀ Տավուշի մարզպետարանի անձնակազմի կառավարման բաժին (ք. Իջևան, Սահմանադրության 1 3-րդ հարկ, հեռ.` 0/263/4-22-20, էլեկտրոնային փոստի հասցեն` tavush.andznakazm@mta.gov.am ):

ՀՀ Տավուշի մարզպետարանի գլխավոր քարտուղար Արման Գևորյանին

..........................................................................................- ից
դիմողի անուն հայրանուն ազգանունը

................................................................................................
դիմողի գրանցման հասցեն

...............................................................................................
դիմողի հեռ. (աշխատանքային, բնակ., բջջ. )

...............................................................................................
անձնագրի սերիան, համարը, երբ և ում կողմից է տրվել

Ծննդյան՝.....................................................................................
օրը, ամիսը, տարին, վայրը
ԴԻՄՈՒՄ
Ծանոթանալով Հայաստանի Հանրապետության Տավուշի մարզպետարանի կողմից հրապարակված հայտարարությանը` խնդրում եմ ինձ ընդունել աշխատանքի զարգացման ծրագրերի, զբոսաշրջության և վերլուծության բաժնում, որպես ծրագրերի համակարգման փորձագետ:

Դիմող` ..........................
(ստորագրություն) (անուն ազգանուն)

<< .........>> ................................. 2019թ.