Տավուշի մարզպետի աշխատակազմ

Հաստատվել է Հաշտարարի որակավորման հանձնաժողովի
2015թ. hուլիսի 17-ի նիստում

ՀՀ արդարադատության նախարարությունը սկսում է 2015 թ. համար հաշտարարի որակավորման դասընթացները:
Հաշտարարի որակավորման դասընթացների համար կարող Է դիմել 25 տարին լրացած գործունակ քաղաքացին, ով ստացել է բակալավրի, մագիստրոսի կամ դիպլոմավորված մասնագետի բարձրագույն կրթություն, չունի դատվածություն դիտավորությամբ կատարված հանցագործության համար:
Դիմորդը որակավորման դասընթացի համար ՀՀ արդարադատության նախարարություն (հասցե` ք. Երևան, Հալաբյան 41/ա) պետք է ներկայացնի`
1) դիմում,
2) անձնագրի պատճենը (բնօրինակը պետք է լինի դիմողի մոտ՝ փաստաթղթերը հանձնելու պահին),
3) բարձրագույն կրթության դիպլոմի պատճենը (բնօրինակը պետք է լինի դիմողի մոտ՝ փաստաթղթերը հանձնելու պահին),
4) 2 գունավոր լուսանկար` 4x6 չափսի,
5) կենսագրական տվյալներ,
6) համաձայնություն` օրենքով սահմանված կարգով իրեն առնչվող
տվյալների իսկության, այդ թվում դիտավորությամբ կատարված հանցագործության համար դատվածություն չունենալու փաստը ստուգելու վերաբերյալ:
Փաստաթղթերի ներկայացման վերջնաժամկետն է 2015 թ. հուլիսի 29-ը, մինչև ժամը 16:00-ը: Հաշտարարի որակավորման դասընթացները սկսվելու են 2015 թ. օգոստոսի 11-ից ՀՀ արդարադատության նախարարության շենքում (հասցե` ք. Երևան, Հալաբյան 41/ա):
Հաշտարարի որակավորման դասընթացների հետ կապված տեղեկատվությունը ուղարկվելու է դիմորդներին՝ իրենց ներկայացված էլեկտրոնային փոստի հասցեներով, ինչպես նաև հրապարակվելու է ՀՀ արդարադատության նախարարության պաշտոնական կայքէջում:
Լրացուցիչ տեղեկությունների համար զանգահարել (010) 319-117 հեռախոսահամարով:
Դիմումի և համաձայնության ձևը կարող եք բեռնել Արդարադատության նախարարության կայքից՝ http://moj.am/announcements/view/article/105 :
*Ծանոթություն. Հանձնաժողովը, դիմումների ընդունման ժամկետի ավարտից հետո 2 աշխա¬տանքային օրվա ընթացքում ստուգում է դիմողների ներկայացրած փաստաթղթերի հիման վրա հաշտարարի թեկնածուներին ներկայացվող պահանջների համապատաս¬խանությունը ՀՀ դատական օրենսգրքի 227.6-րդ հոդվածի պահանջներին և ընդունում է որոշում դիմողին հաշտարարների որակավորման դասըն¬թացներին մասնակցել թույլատրելու կամ մերժելու մասին։
Դասընթացներին մասնակցելու թույլտվություն ունեցող անձինք նախարարու¬թյան կայքում ցանկը հրապարակվելուց հետո 7 աշխատանքային օրվա ընթացքում կատարում են դասընթացներին մասնակցելու և հաշտարարի որակավորման վկայագիր ստանալու համար միանվագ վճարում՝ 80.000 ՀՀ դրամի չափով՝ մուծված հաշտարարի որակավորման դասընթացներն իրականացնող՝ «ՀՀ արդարադատության նախարարութան իրավաբանական ինստիտուտ» ՊՈԱԿ-ի համար «Կոնվերսբանկ» ՓԲԸ-ում բացված Հ/Հ 1930009611880200 հաշվեհամարին:
Եթե դասընթացներին մասնակցելու թույլտվու¬թյուն ունեցող անձը սահմանված ժամկետում վճարում չի կատարում, ապա հանձնաժո¬ղովն ընդունում է որոշում տվյալ անձին դասընթացներին մասնակցելը մերժելու վերաբերյալ
Հաշտարարների որակավորման դասընթաց կազմակերպելու, անցկացնելու, հաշտարարների որակավորման վկայագիր տրամադրելու կարգը և ժամկետները հաստատված են ՀՀ կառավարության 2015 թվականի հուլիսի 2-ի N 720-Ն որոշմամբ: