Տավուշի մարզպետի աշխատակազմ

Սիրելի՛ երիտասարդներ,

Շնորհավորում եմ ձեզ Երիտասարդության միջազգային օրվա առթիվ:

Երիտասարդությունն այն շարժիչ ուժն է, որի գիտելիքները, նորարարական գաղափարներն ու քաղաքացիական ակտիվությունն էական նշանակություն ունեն մեր մարզի ու երկրի զարգացման գործում: Ձեր մասնակցությունը հասարակական, տնտեսական և մշակութային կյանքին ձևավորում է համայնքների ապագան:

Մեզ համար առանցքային է երիտասարդ սերնդի որակյալ կրթության և մասնագիտական կայացման համար բարենպաստ միջավայրի ձևավորումը։ Մենք կարևորում ենք ձեր մասնակցությունը համայնքային կյանքին և պատրաստակամ ենք աջակցելու մարզի առաջընթացին ուղղված ձեր յուրաքանչյուր արժեքավոր նախաձեռնությանը։

Մաղթում եմ մասնագիտական ձեռքբերումներ և նորանոր հաջողություններ ձեր բոլոր նախաձեռնություններում: