Տավուշի մարզպետի աշխատակազմ

Սիրելի՛ հայրենակիցներ,

Այսօր՝ հուլիսի 5–ին, նշում ենք Սահմանադրության օրը։

Մեր երկրի Մայր օրենքը ոչ միայն պետականության, իրավական համակարգի ու ժողովրդավարության հիմքն է, այլև մեր հավաքական կամքի, ազատության և անկախության խորհրդանիշը։

Սահմանադրությունը հիշեցում է մեզանից յուրաքանչյուրին մեր իրավունքների, բայց առավել ևս՝ հայրենիքի հանդեպ ունեցած մեր պարտավորությունների և պատասխանատվության մասին։

Այս տոնական օրը, առավել քան երբևէ, կարևոր է գիտակցել միասնականության և օրենքի գերակայության արժեքը՝ հանուն հզոր, անվտանգ ու բարեկեցիկ պետության կերտման։ Մեր հավատարմությունը սահմանադրական արժեքներին այն ամուր հիմքն է, որով պիտի երաշխավորենք մեր երկրի կայուն ապագան։
Փա՛ռք նահատակներին և կեցցե՛ Հայաստանի Հանրապետությունը։