Տավուշի մարզպետի աշխատակազմ

Պետական պահպանության ծառայության հարգելի՛ աշխատակիցներ,

Շնորհավորում եմ ձեզ Պետական պահպանության ծառայության կազմավորման օրվա կապակցությամբ։

Պետության անվտանգության, կայունության և պետական կարևորագույն ինստիտուտների անխափան գործունեության ապահովումը մեր երկրի առաջնահերթ խնդիրներից է։ Մեր հավաքական գիտակցության մեջ անկախ պետականությունն այն եզակի ու բացառիկ երաշխիքն է, որն ունակ է ապահովելու հայ ժողովրդի անվտանգությունը, զարգացումն ու հարատևությունը։ Աշխատանքը, որը իրականացվում է ձեր կողմից հենց այս կարևորագույն առաքելության հիմնաքարն է։

Ձեր պատրաստակամության, պրոֆեսիոնալիզմի և նվիրված աշխատանքի շնորհիվ է նաև, որ այսօր հնարավոր է ապահովել երկրի ներքին կայունությունն ու անվտանգ միջավայրը։

Մաղթում եմ ձեզ քաջառողջություն, տոկունություն, բարօրություն և նորանոր հաջողություններ ձեր պատասխանատու ծառայության մեջ։