Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանի շնորհավորական ուղերձն Ուսանողների և երիտասարդների օրվա առթիվ
16.05.2026
Սիրելի՛ ուսանողներ և երիտասարդներ,
Ջերմորեն շնորհավորում եմ ձեզ Ուսանողների և երիտասարդների օրվա կապակցությամբ:
1919 թվականի մայիսի 16-ին՝ Հայաստանի առաջին հանրապետության հիմնադրման առաջին իսկ տարում, Նախարարների խորհուրդը որոշում ընդունեց Երևանում համալսարան հիմնելու մասին։ Դա առաջին իրավական ակտերից մեկն էր, որով հիմնադրվեց համալսարանը։
Այդ պատմական քայլը վկայում է այն մասին, որ նույնիսկ ամենածանր ժամանակներում կրթությունն ու գիտելիքը եղել և մնում են մեր պետության հզորացման ու հարատևման հիմնասյուները: Այսօր դուք եք այդ հարուստ ժառանգության կրողն ու շարունակողը:
Երիտասարդությունն այն ուժն է, որն իր էներգիայով, նորարար գաղափարներով և համարձակությամբ ունակ է փոխել աշխարհը դեպի լավը:
Հավատացե՛ք ձեր ուժերին. ձեր գիտելիքն ու ստեղծագործ միտքն են այն շարժիչ ուժը, որը մեզ տանելու է դեպի նոր հաջողություններ:
