Տավուշի մարզպետի աշխատակազմ

Սիրելի՛ հայրենակիցներ,

Շնորհավորում եմ ձեզ Հիսուս Քրիստոսի հրաշափառ Հարության տոնի՝ Սուրբ Զատիկի առթիվ:

Այս տոնը խորհրդանշում է կյանքի հաղթանակը մահվան նկատմամբ, հույսի ու հավատի վերածնունդը:

Մեր ժողովրդի համար քրիստոնեական արժեքները մշտապես եղել են այն ամուր հենարանը, որով դիմակայել ենք փորձություններին և կերտել մեր պատմությունը:

Մաղթում եմ բոլորիդ ընտանիքներին խաղաղություն, ամուր հավատ և բարօրություն: Թող Սուրբ Հարության լույսն ու օրհնությունը միշտ ուղեկից լինեն ձեզ՝ լցնելով ձեր սրտերը սիրով և լավատեսությամբ:

Քրիստոս հարյավ ի մեռելոց:
Օրհնյալ է հարությունը Քրիստոսի: