Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Տավուշի մարզպետ Հայկ Ղալումյանն աշխատանքային այցով Բերդավան բնակավայրում էր
31.03.2026
Մարզպետն այցելեց Բերդավանի միջնակարգ դպրոց, որն ամբողջությամբ հիմնանորոգվել է «300 դպրոց, 500 մանկապարտեզ» պետական ծրագրի շրջանակներում։
Հայկ Ղալումյանը ծանոթացավ կատարված աշխատանքներին, շրջեց դպրոցի տարածքով և հետևեց ուսումնական գործընթացի կազմակերպմանը։
Այցի ընթացքում տեղի ունեցավ հանդիպում ուսուցչական կազմի հետ։ Մանկավարժները զրուցեցին մարզպետի հետ և ներկայացրին իրենց մտահոգությունները։
Քննարկված հարցերը հիմնականում առնչվում էին սոցիալական, քաղաքաշինական բնագավառներին, ինչպես նաև մանկավարժների պարտադիր ատեստավորման ընթացակարգին։
Մարզպետը մանրամասն լսել է ուսուցչական կազմի դիրքորոշումները և նշել, որ բարձրացված հարցերը կարժանանան պատշաճ ուշադրության։
