Տավուշի մարզպետի աշխատակազմ

Վարագավանում մարզպետը նախ հանդիպել է բնակիչների հետ՝ տեղում ծանոթացել բնակավայրի խնդիրներին։ Քննարկումների ընթացքում առանձնահատուկ ուշադրություն է դարձվել խմելու եւ ոռոգման ջրի ապահավման հարցերին: Բարձրացվել են ներհամայնքային ճանապարհների բարեկարգման, սոցիալական իրավիճակին առնչվող հարցեր, ինչպես նաև քննարկվել են բնակարանաշինության ծրագրի իրականացման հետ կապված խնդիրներ։

Այցի ընթացքում մարզպետը շրջել է նաև բնակավայրի կրթական ու նախադպրոցական հաստատություններով։ Մանկապարտեզում նա զրուցել է աշխատակիցների հետ, հետաքրքրվել պայմաններով և առկա կարիքներով։ Այնուհետև Հայկ Ղալումյանը եղել է Վարագավանի դպրոցում, որտեղ հանդիպել է ուսուցչական կազմին։ Քննարկումների ընթացքում անդրադարձ է կատարվել կրթական գործընթացին:

Այցի ավարտին մարզպետը նշել է, որ բարձրացված հարցերը կընդգրկվեն համապատասխան ուսումնասիրության փուլում՝ հետագա լուծումներ գտնելու նպատակով։