Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տավուշի մարզպետի աշխատակազմում տեղի ունեցավ «Տավուշի մարզի զբոսաշրջության զարգացման գործակալություն» ՀԿ-ի տարեկան խորհրդի նիստը։
18.02.2026
Նիստին ներկա էին մարզպետի տեղակալ Նարեկ Ղուշչյանը, համայնքների ղեկավարները, ԵՊՀ ԻՄ տնօրեն Մհեր Օթարյանը, մարզպետի աշխատակազմի զարգացման ծրագրերի մշակման և իրականացման բաժնի պետ Գուրգեն Հարությունյանը, «Տավուշի մարզի զբոսաշրջության զարգացման գործակալություն» ՀԿ-ի տնօրեն Աննա Մարդանյանը, ՀԿ-ի խորհրդի նախագահ Սոս Խաչիկյանը, գերմանական միջազգային ընկերակցության (GIZ) հայաստանյան գրասենյակի «Մասնավոր հատվածի զարգացում» ծրագրի ղեկավար Սվենյա Վայրաուխը, GIZ-ի փորձագետ Օդրի Սքոտտը և ոլորտային մասնագետներ։
Բացման խոսքում ու հետագա քննարկումներում մարզպետի տեղակալ Նարեկ Ղուշչյանը կարևորեց համայնքների հետ նոր նախաձեռնությունների անհրաժեշտությունը մարզի զբոսաշրջային բրենդավորման համատեքստում։
Նիստի ընթացքում ներկայացվեց 2025թ-ի տարեկան հաշվետվությունը։
Ներկաները կարևորեցին մարզի համայնքների և գործարար հատվածի հետ համագործակցության նոր ձևաչափի ներդրման անհրաժեշտությունը։
GIZ-ի փորձագետ Օդրի Սքոտտը ներկայացրեց Տավուշը որպես զբոսաշրջային այցելավայր բրենդավորելու և մարքեթինգ իրականացնելու 2026-2030թթ համապարփակ ռազմավարությունը, որը որպես փաստաթուղթ ուղենիշային կարող է լինել մարզի ռազմավարական զարգացման համատեքստում։
Խորհրդի նիստն ամփոփվեց ինչպես մտահոգությունների կիսմամբ, այնպես էլ նոր հնարավորությունների մասին առաջարկներով։
