Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանի ուղերձը Հայրենիքի պաշտպանության համար զոհվածների հիշատակի և խոնարհման օրվա կապակցությամբ
27.01.2026
Սիրելի՛ հայրենակիցներ,
Այս տարի մեր պետական օրացույցում առաջին անգամ նշվում է հունվարի 27-ը՝ որպես Հայրենիքի պաշտպանության համար զոհվածների հիշատակի և խոնարհումի օր։
Այս նոր նախաձեռնությունը պետական մակարդակով ևս մեկ անգամ ընդգծում է մեր հավաքական երախտագիտությունն ու խոնարհումն այն քաջերի առջև, ովքեր տարբեր ժամանակներում իրենց կյանքը նվիրաբերեցին հանուն մեր ինքնության և ազատության։
Մեզ համար յուրաքանչյուր օր է հիշատակի և հարգանքի տուրքի օր, սակայն այսուհետ հունվարի 27-ը կլինի այն խորհրդանշական ժամանակը, երբ մենք՝ որպես մեկ միասնական ժողովուրդ, պետք է վերաարժևորենք մեր անցած ուղին և մեր հերոսների թողած պատգամը։
Հարգելի՛ ծնողներ և հարազատներ, ձեր ցավն անփարատելի է, բայց ձեր զավակների սխրանքը՝ անմահ։ Այս օրվա պաշտոնական սահմանումը ևս մեկ հավաստում է այն բանի, որ նրանց հիշատակը վառ է պահվում ոչ միայն ձեր տներում, այլև ողջ պետության հիշողության մեջ։
Մենք պարտավոր ենք շարունակել ապրել ու արարել՝ հավատարիմ մնալով այն արժեքներին, որոնց համար նրանք չխնայեցին ամենաթանկը։
Հավերժ փառք մեր նահատակներին։
