Տավուշի մարզպետի աշխատակազմ

ՀՀ Տավուշի մարզպետի աշխատակազմի և Ֆրանսիայի Օ-դը-Սեն դեպարտամենտի միջև կնքված 2025-2029թթ «Ապակենտրոնացված համագործակցության համաձայնագրի» շրջանակում, Ֆրանսիայում Եվրոպայի և արտաքին գործերի նախարարության ֆինանսական աջակցությամբ, 2026 թվականի հունվարին մեկնարկել է առաջին ծրագիրը՝ «Ագրոզբոսաշրջության ռազմավարության իրականացումը որպես Տավուշի մարզպետի աշխատակազմի և Օ-դը-Սեն դեպարտամենտի ապակենտրոնացված համագործակցության բաղադրիչ»։

Ծրագիրը մշակվել և ներկայացվել է Տավուշի մարզպետի աշխատակազմի կողմից, որը կիրականացվի «Հիմնատավուշ» զարգացման հիմնադրամի հետ համագործակցությամբ։

Ծրագրային գործողությունների հիմնական ուղղություններն են հանդիսանում․
Ստեղծել Տավուշի մարզի ագրոզբոսաշրջության ցանց,
Աջակցել ագրոզբոսաշրջային տնտեսություններին մեթոդական, ֆինանսական և հաղորդակցության գործիքներով,
Նպաստել Տավուշի մարզի այցելավայրերի կառավարման կազմակերպության կարողությունների զարգացմանը։

Ծրագրի նախնական տարբերակը քննարկվել է դեռևս 2024թ-ի մայիսին Օ-դը-Սեն դեպարտամենտի պատվիրակության՝ Տավուշի մարզ կատարած այցի ժամանակ, որի ընթացքում ի թիվս այլ հարցերի, կարևորվել է նաև սահմանամերձ բնակավայրերի տնտեսական զարգացման հնարավորությունները, որը հանդիսանում է մեկնարկած ծրագրի բաղկացուցիչ մաս։