Տավուշի մարզպետի աշխատակազմ

Հոկտեմբերի 25-ին Դիլիջանի միջազգային դպրոցում անցկացվել է 2025 թվականի «Հայաստանի Հանրապետության վարչապետի գավաթ» դպրոցականների լողի մրցաշարի Տավուշի մարզային փուլը։

Մրցաշարի նպատակն է՝
մասսայականացնել լող մարզաձևը,
երեխաների շրջանում արմատավորել ֆիզիկական վարժություններով մշտապես զբաղվելու և առողջ ապրելակերպի գաղափարը,
բացահայտել տաղանդավոր պատանիներին՝ հետագայում նրանց ընդգրկելու Հայաստանի Հանրապետության առաջնություններում։

Լողի մրցաշարը անցկացվել է երկու տարիքային խմբով՝
3-6-րդ դասարանների աշակերտների համար՝ 50 մետր ազատ ոճով,
7-12-րդ դասարանների աշակերտների համար՝ 100 մետր ազատ ոճով։

Տավուշի մարզային փուլին մասնակցելու համար հայտ էր ներկայացրել 62 դպրոցական, որոնցից 16-ը ճանաչվել են հաղթողներ։ Նրանցից կձևավորվի մարզի հավաքական թիմը, որը 2025 թվականի նոյեմբերի 22-ին կմասնակցի «Հայաստանի Հանրապետության Վարչապետի գավաթ» դպրոցականների լողի մրցաշարի հանրապետական փուլին։

Մրցաշարը կազմակերպվել և անցկացվել է ՀՀ կրթության, գիտության, մշակույթի և սպորտի նախարարության կողմից ստեղծված հանձնաժողովի և Տավուշի մարզպետի աշխատակազմի հետ համագործակցությամբ։