Տավուշի մարզպետի աշխատակազմ

Տավուշի մարզպետ Հայկ Ղալումյանն այսօր աշխատանքային այց է կատարել Իջեւան համայնքի Ծաղկավան, Բերքաբեր,Սարիգյուղ և Սևքար բնակավայրեր։

Ծաղկավանում և Բերքաբերում մարզպետը տեղում ծանոթացել է տուֆապատման աշխատանքների ընթացքին։Բնակավայրերում Հայկ Ղալումյանն այցելել է նաև դպրոց, մանկապարտեզ և բժշկական ամբուլատորիա՝ ծանոթանալով շենքային պայմաններին և առկա խնդիրներին։

Սարիգյուղում վերանորոգվելու է դպրոցն ու մանկապարտեզը։ Նույն բնակավայրում ընթանում է նոր ամբուլատորիայի շինարարությունը, ինչպես նաև իրականացվում են ջրագծի կառուցման աշխատանքներ, որոնց ընթացքին մարզպետը տեղում ծանոթացել է։ 

Սևքարում Հայկ Ղալումյանն այցելել է նոր կառուցվող դպրոցի շինհրապարակ, ծանոթացել շինարարական աշխատանքներին։Այնուհետև այցելել է մանկապարտեզ եւ բժշկական ամբուլատորիա՝ տեղում ուսումնասիրելով առկա խնդիրները։