Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իջևանի Գ․ Էդիլյանի անվան թիվ 3 հիմնական դպրոցի 9-րդ դասարանի աշակերտների այցը Տավուշի մարզպետի աշխատակազմ
15.10.2025
Այցի նպատակն էր ծանոթանալ Տավուշի մարզում իրականացված և իրականացվելիք սուբվենցիոն ծրագրերին, դրանց ընթացքին ու նշանակությանը համայնքների զարգացման գործում։
Աշակերտներին մարզում իրականացվող ծրագրերն ու նախաձեռնությունները ներկայացրեց Տավուշի մարզպետի աշխատակազմի զարգացման ծրագրերի մշակման և իրականացման բաժնի պետ՝ Գուրգեն Հարությունյանը, ով մանրամասն պատմեց պետական և համայնքային համագործակցությամբ կյանքի կոչվող ծրագրերի մասին։
Երեխաները մեծ հետաքրքրությամբ և ակտիվորեն մասնակցում էին քննարկմանը, տալիս խորքային հարցեր՝ փաստելով, որ տեղեկացված են մարզում իրականացվող աշխատանքներից և հետաքրքրված են համայնքային զարգացման գործընթացներով։
Այցը ոչ միայն ուսուցողական էր, այլև ոգեշնչող՝ նպաստելով աշակերտների քաղաքացիական գիտակցության և համայնքային պատասխանատվության ձևավորմանը։
Տավուշի մարզպետի աշխատակազմը շնորհակալություն է հայտնում Իջևանի թիվ 3 հիմնական դպրոցին, ուսուցչուհի Լիանա Խաչատրյանին և աշակերտներին հետաքրքիր և բովանդակալից հանդիպման համար։
