Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանի շնորհավորական ուղերձը Գիտելիքի օրվա կապակցությամբ
01.09.2025
Սիրելի՛ աշակերտներ, ուսուցիչներ, ծնողներ,
Սեպտեմբերի 1-ը մեր երկրի կրթական և հասարակական կյանքի կարևորագույն տոնական օրերից է։ Այսօր մենք նշում ենք նոր ուսումնական տարվա մեկնարկը՝ գիտելիքի, կրթության և լուսավոր ապագայի խորհրդանիշը։
Սիրելի՛ աշակերտներ, վստահ եմ, որ ձեր ձգտումն ու աշխատասիրությունը կդառնան այն ամուր հիմքը, որի վրա կկառուցեք ձեր ապագան և մեր հայրենիքի առաջընթացը։
Հարգելի՛ մանկավարժներ, կրթության և դաստիարակության կարևոր առաքելությունը ձեր ուսերին է։ Ձեր նվիրված աշխատանքը հիմք է դնում մեր հասարակության բարոյական և մասնագիտական կայացմանը։
Սիրելի՛ ծնողներ, ձեր անմիջական աջակցությունն ու համագործակցությունը անփոխարինելի դեր ունեն կրթական գործընթացի հաջողության համար։
Մաղթում եմ, որ նոր ուսումնական տարին լի լինի արդյունավետ աշխատանքով, նոր ձեռքբերումներով և հաղթանակներով՝ ի բարօրություն մեր մարզի ու հայրենիքի։
Շնորհավորում եմ բոլորիս սեպտեմբերի 1-ի՝ Գիտելիքի օրվա կապակցությամբ։
