Տավուշի մարզպետի աշխատակազմ

Այսօր՝ հուլիսի 28-ին, Տավուշի մարզպետ Հայկ Ղալումյանը ՄԱԿ-ի Զարգացման ծրագրի «Դիմակայունություն ի սկզբանե» ծրագրի շրջանակում հանդիպել է Հայաստանում Սերբիայի դեսպան Տատյանա Պանայոտովիչ Ցվետկովիչի և ՄԱԶԾ մշտական ներկայացուցիչ Նաթիա Նացվլիշվիլիի հետ։

Հանդիպմանը մասնակցել են նաև Իջևան համայնքի ղեկավար Արթուր Ճաղարյանը, մարզպետի աշխատակազմի գլխավոր քարտուղար Արման Գևորգյանը և ոլորտային պատասխանատուներ։

Քննարկվել են Իջևան համայնքում Սերբիայի կառավարության ֆինանսավորմամբ արևային համակարգերի տեղադրման և օրվա կարգավորվող ջրամբարի կառուցման աշխատանքները։

• Իջևանում ընթացքի մեջ են 103 կՎտ հզորությամբ արևային համակարգերի տեղադրման աշխատանքները՝

61 կՎտ՝ ֆոտովոլտային կայան
42 կՎտ՝ արևային ջրատաքացուցիչ։

• Բերդում տեղադրվում են 93 կՎտ հզորությամբ համակարգեր՝

51 կՎտ՝ ֆոտովոլտային կայան
42 կՎտ՝ արևային ջրատաքացուցիչ։

• Նոյեմբերյանում իրականացվում է 17 կՎտ հզորությամբ ֆոտովոլտային կայանների տեղադրում։

Աչաջուրում նախատեսվում է կառուցել 5,600 մ³ օրվա կարգավորվող ջրամբար և 1,100 մ ջրագիծ, ինչի արդյունքում ոռոգվող հողատարածքները կավելանան 120 հեկտարով։