Տավուշի մարզպետի աշխատակազմ

Այսօր` հուլիսի 25-ին, Դիտավան բնակավայրում կայացավ «Մենք ենք, մեր սարերը» մշակութային փառատոնը, որն այս տարի նվիրված էր Վարդավառի տոնին։

Փառատոնին մասնակցել է նաեւ Տավուշի մարզպետ Հայկ Ղալումյանը։
Միջոցառման շրջանակում անցկացվեցին՝

• լարախաղացների ներկայացում,
• համերգային ծրագիր,
• բարբառի մրցույթ,
• ազգային ուտեստների հյուրասիրություն,
• բակային խաղեր,
• Վարդավառի տոնին նվիրված ծիսական արարողություններ, այդ թվում՝ ավանդական ջրոցի։

Փառատոնի նպատակն էր խթանել համայնքային ակտիվությունը, պահպանել և ներկայացնել ազգային ու տարածաշրջանային մշակութային արժեքները, ինչպես նաեւ ամրապնդել միջհամայնքային կապերը։