Տավուշի մարզպետի աշխատակազմ

Տավուշի մարզպետ Հայկ Ղալումյանը այցելել է Սևքար և Սարիգյուղ բնակավայրեր՝ տեղում դիտարկելու մի շարք կարևոր ենթակառուցվածքային ծրագրերի իրականացումը։

Մարզպետը ծանոթացել է Սևքար-Սարիգյուղ նոր կառուցվող ճանապարհի աշխատանքների ընթացքին։ Տեղում ուսումնասիրվել են շինարարական գործընթացները, քննարկվել աշխատանքների կազմակերպման հարցերը և կարևորվել շինարարության որակի վերահսկման անհրաժեշտությունը։

Սևքարում մարզպետը այցելել է նոր կառուցվող դպրոցի շինհրապարակ։ Այցի ընթացքում նա ուսումնասիրել է շինարարական ծրագրի առաջընթացն ու իրականացվող աշխատանքների պայմանները։

Մարզպետը ներկայացրել է հանձնարարականներ՝ շինարարական գործընթացը սահմանված ժամկետներում ավարտելու և բարձր որակով իրականացնելու վերաբերյալ։