Տավուշի մարզպետի աշխատակազմ

Սիրելի՛ բուժաշխատողներ,

Ջերմորեն շնորհավորում եմ ձեզ մասնագիտական տոնի՝ Բուժաշխատողի օրվա կապակցությամբ։

Ձեր առաքելությունը համամարդկային արժեքների, մասնագիտական նվիրումի, հոգատարության և անմնացորդ ծառայության լավագույն արտահայտությունն է։ Դուք առողջություն ու հավատ եք վերադարձնում մարդկանց՝ հաճախ գործում դժվարին պայմաններում, երբ ամեն մի պահ կարևորվում է։

Մեր առողջապահական համակարգի կայուն գործունեության, ծառայությունների որակի բարելավման և բուժօգնության հասանելիության ապահովման ճանապարհին ձեր դերն անփոխարինելի է։ Մենք գնահատում ենք ձեր հետևողական աշխատանքն ու նվիրվածությունը՝ յուրաքանչյուր հիվանդի կողքին լինելու, սատարելու և ապաքինելու ձեր անսպառ կամքն ու հմտությունը։

Թող ձեզ երբեք չպակասեն ուժը, առողջությունը և բարին ստեղծելու հավատը։

Մաղթում եմ ձեզ խաղաղ աշխատանք, երջանիկ ընտանիքներ ու շարունակական մասնագիտական աճ։