Տավուշի մարզպետի աշխատակազմ

Տավուշի մարզի Վերին Ծաղկավան գյուղի միջնակարգ դպրոցի մարզադահլիճը վերանորոգվել է դպրոցի նախկին սանի՝ Գևորգ Աղաջանյանի (Ջանագա) աջակցությամբ։ Վերանորոգման արդյունքում մարզադահլիճում ստեղծվել են ժամանակակից և անվտանգ պայմաններ դպրոցականների ֆիզիկական դաստիարակության համար։

Բացման արարողությանը մասնակցել են Տավուշի մարզպետի աշխատակազմի կրթության, մշակույթի և սպորտի վարչության պետ Մերուժան Հարությունյանը և մարզպետի խորհրդական Վահան Փիրումյանը։ Նրանք շրջել են նորոգված մարզադահլիճում, ծանոթացել կատարված աշխատանքներին և զրուցել ուսուցիչների ու աշակերտների հետ։

Միջոցառման ընթացքում դպրոցի աշակերտները հանդես են եկել պարային և երաժշտական համարներով։