Տավուշի մարզպետի աշխատակազմ

   ՀՀ կառավարության 2023 թվականի հուլիսի 6-ի N 1098-Լ որոշմամբ հաստատված՝ տնամերձ հողամասերում այգեհիմնման և ոռոգման արդիական համակարգերի ներդրման փորձնական ծրագրի շրջանակներում Իջևան համայնքի Բերքաբեր և Խաշթառակ բնակավայրերում կատարվում են հոնի և նռան այգեհիմնման աշխատանքներ։ Ծրագրին մասնակցում է 87 շահառու, որից Բերքաբերում 43, Խաշթառակում՝ 44։

  Բերքաբերում կաթիլային համակարգերի հետ միասին ավարտվել են այգեհիմնման աշխատանքները։ Խաշթառակում կաթիլային համակարգերի մոնտաժման աշխատանքներն ընթացքի մեջ են։

  Ծրագրի շահառուներին անվճար կտրամադրվեն նաև ձեռքի էլեկտրական սրսկիչներ։ Մոլախոտերի դեմ պայքարի, ինչպես նաև ծառերի արմատային համակարգերի խոնավությունը կարգավորելու նպատակով այգիների միջծառային տարածքներում տեղադրվում են նաև ,,ագրոսպան,, ագրոթելեր։