Տավուշի մարզպետի աշխատակազմ

 Սիրելի հայրենակիցներ, դեկտեմբերի 3-ը աշխարհում նշվում է որպես Հաշմանդամների միջազգային օր։ 1992 թվականին ՄԱԿ-ի Գլխավոր ասամբլեան դեկտեմբերի 3-ը հռչակել է որպես Հաշմանդամների միջազգային օր: 2006-ի դեկտեմբերին Հայաստանը միացել է հաշմանդամների իրավունքների կոնվենցիային:

  Մեր երկրի տնտեսական, սոցիալական և հանրային կյանքին հաշմանդամություն ունեցող անձանց լիարժեք ու արդյունավետ մասնակցությունը երաշխավորված է ՀՀ Սահմանադրությամբ։ Այս ոլորտում սակայն դեռևս չլուծված խնդիրներ կան, որոնց ուղղությամբ աշխատանքներ են տարվում ու ծրագրեր իրականացվում թե պետական կառավարման ու տեղական ինքնակառավարման մարմինների և թե սոցիալական ուղղվածություն ունեցող հասարակական կազմակերպությունների կողմից։

  Սիրելի հայրենակիցներ, անչափ կարևոր է բոլորիս ուշադրությունը սահմանափակ կարողություններով մարդկանց խնդիրների նկատմամբ։ Օգնենք նրանց՝ իրացնելու իրենց իրավունքները, ապրելու լիարժեք կյանքով։

  Օրվա առթիվ առողջություն, կամք, լավատեսություն ու բարօրություն եմ մաղթում բոլորիս։