Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում- քննարկում քոլեջի ուսանողների հետ
20.11.2024
Մարզպետի աշխատակազմի զարգացման ծրագրերի մշակման և իրականացման բաժնի պետ Գուրգեն Հարությունյանն ու Իջևան համայնքի Լուսաձոր բնակավայրի վարչական ղեկավար Վարդան Սարդարյանը մարզպետի աշխատակազմում հանդիպում-քննարկում են ունեցել Տավուշի Պատրիկ Տէվէճեան տարածաշրջանային քոլեջի զբոսաշրջության բաժնի 3-րդ կուրսի ուսանողների ու գործարար հաղորդակցության հմտություններ դասավանդող դասախոս Սուսաննա Մկրտումյանի հետ։ Հանդիպման առիթ է հանդիսացել դասախոս Պավել Ասիլբեկյանի գլխավորությամբ վերջերս ուսանողների ունեցած արշավը Լուսաձորի վարչական տարածքում գտնվող Աղավնո քարանձավ ։
Հանդիպման ընթացքում տեղի ունեցած քննարկմանը ուսանողները կիսվել են արշավից ստացած իրենց տպավորություններով, նշել, որ նախաձեռնել են նախագիծ, որով ցանկանում են Աղավնոն ու տարածաշրջանի պատմամշակութային ու արշավային վայրերը ավելի ճանաչելի, հասանելի ու գրավիչ դարձնել այցելուների համար։ Նշվել է, որ նախագիծը կնպաստի զբոսաշրջության զարգացմանն ու աճին տարածաշրջանում։
Ծավալված քննարկման արդյունքում որոշվել է առաջիկայում համատեղ այց կատարել քարանձավի տարածք, գույքագրել եղած խնդիրները և միջոցներ ձեռնարկել դրանց լուծման համար։
