Տավուշի մարզպետի աշխատակազմ

  7-12-րդ դասարանների աշակերտների միջև Սպարտակիադայի ծրագրով Հայաստանի ֆիզիկական կուլտուրայի և սպորտի պետական ինստիտուտում նոյեմբերի 18-ին կայացել են բազկամարտի հանրապետական եզրափակիչ փուլի մրցումները, որին մասնակցել են ՀՀ մարզերի և Երևան քաղաքի հանրակրթական դպրոցների ուժեղագույն մարզիկները:

  Տավուշի մարզը ներկայացնող տասը մարզիկներից երեքը տարբեր քաշային կարգերում գրավել են մրցանակային տեղեր։

  Մրցումներում Գետահովիտի միջնակարգ դպրոցի 12-րդ դասարանի աշակերտ Դորիկ Այդինյանը զբաղեցրել է 1-ին հորիզոնականը։ 2-րդ տեղ է գրավել Գանձաքարի միջնակարգ դպրոցի 10-րդ դասարանի աշակերտուհի Ռոմելլա Ղարաբեկյանը։ Այգեհովիտի միջնակարգ դպրոցի 9-րդ դասարանի աշակերտուհի Միլենա Գուլանյանը դարձել է 3-րդ տեղի մրցանակակիր։