Տավուշի մարզպետի աշխատակազմ

 Հայ խոհարարական ավանդույթների զարգացման և պահպանման հասարակական կազմակերպությունը Տուրիզմի հայկական ֆեդերացիայի հետ համատեղ Մեգերյան կարպետում կազմակերպել էր համաժողով՝ նվիրված Ազգային խոհանոցի զարգացման ռազմավարությանը: Համաժողովի աշխատանքներին մասնակցել է նաև Տավուշի մարզպետի աշխատակազմի զարգացման ծրագրերի մշակման և իրականացման բաժնի պետ Գուրգեն Հարությունյանը։

 Միջոցառման մասնակիցներին ողջունել է ՀՀ ԿԳՄՍ նախարարի տեղակալ Արաքսիա Սվաջյանը։

  Համաժողովի ընթացքում պետական, մասնավոր կառույցների, միջազգային կազմակերպությունների ներկայացուցիչներին, ոլորտային դերակատարներին և փորձագետներին ներկայացվել են Ազգային խոհանոցի զարգացման ռազմավարության հիմնական ուղղությունները:

 Միջոցառման շրջանակում ներկայացվել են նաև Հայ խոհարարական ավանդույթների զարգացման և պահպանման ՀԿ-ի նախագահ Սեդրակ Մամուլյանի հեղինակած ,,Տավուշի խոհանոց,, , ,,Սյունիքի խոհանոց,, , ,,Վայոց ձորի խոհանոց,, և ,,Լոռվա խոհանոց,, հայերեն-անգլերեն գրքերը, որոնք հնարավորություն են տալիս նորովի բացահայտել հայկական խոհանոցը, ընդգծել նրա բազմազանությունը, տարածաշրջանային յուրահատկությունները և ազգային ժառանգության պահպանման կարևորությունը։