Տավուշի մարզպետի աշխատակազմ

  Տավուշի մարզպետ Հայկ Ղալումյանն այսօր ընդունել է ամերիկյան ,,Փարոս,, հիմնադրամի գործադիր տնօրեն Փիթեր Աբաջյանի գլխավորած աշխատանքային խմբին։ Հանդիպմանը մասնակցել են նաև մարզպետի տեղակալ Նարեկ Ղուշչյանը և մարզպետի աշխատակազմի զարգացման ծրագրերի մշակման և իրականացման բաժնի պետ Գուրգեն Հարությունյանը։

 Համատեղ քննարկվել են հիմնադրամի կողմից մարզում իրականացվող աշխատանքների ընթացքն ու անելիքները։

  Ողջունելով հյուրերին՝ մարզպետը ըստ ոլորտների ներկայացրել է առկա խնդիրները, խոսել Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի մասին։

 Փիթեր Աբաջյանը ներկայացրել է նախատեսվող աշխատանքները, մասնավորապես հիմնադրամի բնակարանաշինական ծրագրերը։

   Հանդիպմանն անդրադարձ է եղել նաև Այգեպար բնակավայրում կառուցված բիզնես կենտրոնի գործարկման հնարավորություններին, որից հետո ձեռք են բերվել նոր պայմանավորվածություններ հետագա ծրագրերի իրականացման շուրջ։