Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վերապատրաստման դասընթաց՝ համայնքապետարանների աշխատակազմերի համայնքային ծառայողների համար
16.09.2024
Տավուշի մարզպետի աշխատակազմում սեպտեմբերի 16-ից 23-ը անց է կացվում մարզի համայնքապետարանների աշխատակազմերի համայնքային ծառայողների վերապատրաստման դասընթաց՝ կարևորելով այն հանգամանքը, որ համայնքներին վերապահված լիազորությունների պատշաճ իրականացումն ուղղակիորեն կապված է նրանց մասնագիտական կարողությունների կատարելագործման հետ։
Դասընթացը վարում են ՀՀ պետական կառավարման ակադեմիայի դասախոսները։
Կրթությունը կարևորագույն դեր ունի հանրային ծառայողների մասնագիտական աճի գործընթացում: Ուստի նրանց շարունակական վերապատրաստումը հանրային կառավարման համակարգում իրականացվող բարեփոխումների արդյունավետության կարևոր բաղադրիչներից է։
Դասընթացն իրականացվում է նախապես կազմված և հաստատված կրթական մոդուլներով (ծրագիր-բաղադրիչներ), համապատասխան դիդակտիկ նյութերի, ժամանակակից համակարգչային տեխնիկայի օգտագործմամբ` սահմանված պահանջներին և ժամաքանակին համապատասխան:
Փորձառու և գիտակ դասընթացավարները նաև գործնական խորհուրդներ են տալիս վերապատրաստվողներին և պատասխանում նրանց հարցերին:
