Տավուշի մարզպետի աշխատակազմ

  Տավուշի մարզպետ Հայկ Ղալումյանն այսօր աշխատանքային խորհրդակցություն է անցկացրել աշխատակազմի պատասխանատուների և մարզի խոշորացված համայնքների ղեկավարների մասնակցությամբ։ Խորհրդակցությանը մասնակցել են նաև մարզպետի տեղակալներն ու աշխատակազմի գլխավոր քարտուղարը։

  Խորհրդակցության ընթացքում քննարկվել են առաջնահերթություն ներկայացնող մի շարք ընթացիկ հարցեր։ Մասնավորապես անդրադարձ է եղել քաղաքաշինական խնդիրներին և մարզում իրականացվող սուբվենցիոն ծրագրերին։ Սուբվենցիոն ծրագրերի հետ կապված՝ մարզպետը համայնքապետերի ուշադրությունը հրավիրել է ինչպես ընթացակարգային խնդիրների, այնպես էլ ծրագրով իրականացվող աշխատանքների որակի վրա։

 Խորհրդակցությանը անդրադարձ է եղել նաև սեփական եկամուտների հավաքագրման ընթացքին։ Մարզպետը համայնքների ղեկավարներին հորդորել է առավել հետևողական լինել տեղական բյուջեների սեփական եկամուտների հավաքագրման գործընթացում։

  Աշխատանքային խորհրդակցությանը քննարկվել են նաև մյուս ոլորտներին առնչվող հարցեր։