Տավուշի մարզպետի աշխատակազմ

  Այսօր Տավուշի մարզպետ Հայկ Ղալումյանը հերթական աշխատանքային խորհրդակցությունն է անցկացրել աշխատակազմի ոլորտային ղեկավարների հետ։ Խորհրդակցությանը մասնակցել են նաև մարզպետի տեղակալ Արթուր Հովակիմյանը, մարզպետի աշխատակազմի գլխավոր քարտուղար Արման Գևորգյանը, աշխատակազմի պատասխանատու պաշտոնյաներ։

  Ստորաբաժանումների ղեկավարները մարզպետին զեկուցել են նախորդ շաբաթ ստացած հանձնարարականների կատարման ընթացքի մասին։ Այնուհետև քննարկվել են մարզում իրականացվող սուբվենցիոն ծրագրերին, շինաշխատանքներին, առողջապահության ոլորտին առնչվող հարցեր։

  Խորհրդակցությանն անդրադարձ է եղել աշխատանքային այլ հարցերի ևս։ Տրվել են նոր հանձնարարականներ։