Տավուշի մարզպետի աշխատակազմ

  Հուլիսի 16-ին ԵՊՀ Իջևանի մասնաճյուղում կայացել է 2023-2024 ուսումնական տարվա առկա և հեռակա ուսուցման շրջանավարտների դիպլոմների հանձնման հանդիսավոր արարողություն, որին մասնակցել են ՀՀ Տավուշի մարզպետ Հայկ Ղալումյանը, ԵՊՀ ռեկտոր Հովհաննես Հովհաննիսյանը, ԵՊՀ ԻՄ տնօրենի պաշտոնակատար Անուշավան Մակարյանը, ռեկտորատի ներկայացուցիչներ, մասնաճյուղի վարչական և պրոֆեսորադասախոսական անձնակազմի անդամներ, ուսանողներ, շրջանավարտներ, ծնողներ ու հյուրեր:

  Գերազանց առաջադիմությամբ շրջանավարտներին դիպլոմները հանձնել են Տավուշի մարզպետը, ԵՊՀ ռեկտորը և ԵՊՀ ԻՄ տնօրենի պաշտոնակատարը:

  Հանդիսավոր միջոցառումն ուղեկցվել է կիրառական արվեստի ֆակուլտետի շրջանավարտների աշխատանքների ցուցահանդեսով և երաժշտությամբ: