Տավուշի մարզպետի աշխատակազմ

Տավուշի մարզպետ Հայկ Ղալումյանն աշխատանքային այց է կատարել Նոյեմբերյան համայնք: Համայնքի ղեկավար Արսեն Աղաբաբյանի, մարզպետի աշխատակազմի պատասխանատուների հետ Հայկ Ղալումյանը հետևել է համայնքում իրականացվող մի շարք աշխատանքների ընթացքին։

***

Մարզպետն այցելել է Դեբեդավան եւ Բագրատաշեն բնակավայրեր։ Հայկ Ղալումյանը շրջայց կատարելով, ծանոթացել է Դեբեդավանի դպրոցի, մանկապարտեզի եւ ամբուլատորիայի շենքային պայմաններին, առկա խնդիրներին:

Բագրատաշենում մարզպետը ծանոթացել է նոր կառուցվող մանկապարտեզի եւ դպրոցի շինարարական աշխատանքներին: Այնուհետեւ Հայկ Ղալումյանը բուժաշխատողի օրվա կապակցությամբ մի շարք բուժաշխատողների հանձնել է շնորհակալագրեր՝ անձնական եւ մասնագիտական նվիրումի եւ մեծ պատասխանատվության համար:

Արճիս եւ Լճկաձոր բնակավայրերում եւս ծանոթացել է դպրոցի եւ մանկապարտեզի շենքային պայմաններին, առկա խնդիրներին:

Այրում բնակավայրում քննարկվել են աղետի հետեւանքները, հստակեցվել են այդ ուղղությամբ կատարվելիք հետագա անելիքները։

Այնուհետեւ Հայկ Ղալումյանը հանդիպել է բնակիչների հետ։ Հանդիպման ընթացքում քննարկվել են համայնքում առկա խնդիրները, դրանց լուծման տարբերակները, համապատասխան ոլորտների ներկայացուցիչները ստացել են հանձնարարականներ։