Տավուշի մարզպետի աշխատակազմ

  Այսօր ՀՀ Տավուշի մարզպետ Հայկ Ղալումյանի ղեկավարությամբ անցկացվեց շտաբային ուսումնավարժություն ,,Բնակչության պաշտպանության միջոցառումների իրականացումը սողանքի դեպքում,, թեմայով։

  Նպատակը՝ կատարելագործել ՀՀ Տավուշի մարզի ղեկավար կազմի տեսական գիտելիքները սողանքի առաջացման դեպքում բնակչության պաշտպանության միջոցառումների կազմակերպման վերաբերյալ որոշումներ ընդունելիս, ստուգել ,,Արտակարգ իրավիճակներում ՀՀ Տավուշի մարզի բնակչության պաշտպանության պլան,,-ի իրատեսությունը։

  Ուսումնավարժությանը ներգրավված էին մարզի արտակարգ իրավիճակների և տարհանման հանձնաժողովները, մարզպետի աշխատակազմի ղեկավար կազմն ու աշխատակիցները, Իջևան համայնքի բնակավայրերի վարչական ղեկավարները, ՀՀ ներքին գործերի նախարարության ՓԾ Տավուշի մարզային փրկարարական վարչությունը, ՀՀ ոստիկանության Տավուշի մարզային վարչությունը։

 ,,Բնակչության պաշտպանության միջոցառումների իրականացումը սողանքի դեպքում,, թեման ներկայացրեց ուսումնավարժության ղեկավարման շտաբի պետ, փրկարարական ծառայության գնդապետ Վահան Փիրումյանը։