Տավուշի մարզպետի աշխատակազմ

  Այսօր Տավուշի մարզում անց է կացվել ,,Հայաստանի Հանրապետության վարչապետի գավաթ,, դպրոցականների թիմային խճուղավազքի մարզայի փուլը։ Մրցումներին ներկա է եղել Տավուշի մարզպետ Հայկ Ղալումյանը։

  Մարզական միջոցառման մարզային փուլին մասնակցել է 10 թիմ։ Դրանք են Գետահովիտի, Նավուրի, Սևքարի, Գանձաքարի, Ազատամուտի, Պառավաքարի, Այրումի, Այգեհովիտի միջնակարգ և Բերդի թիվ 1 ու Իջևանի թիվ 3 հիմնական դպրոցների թիմերը՝ յուրաքանչյուրի կազմում 7 աշակերտ (5 տղա, 2 աղջիկ)։

  Մրցումների մարզային փուլի արդյունքներով առաջին տեղը գրավել է Սևքարի միջնակարգ դպրոցի թիմը, երկրորդ հորիզոնականում Նավուրի միջնակարգ դպրոցի թիմն էր, երրորդ տեղն զբաղեցրել է Այգեհովիտի միջնակարգ դպրոցի թիմը:

   Մրցումների արդյունքներով լավագույնը ճանաչված Սևքարի միջնակարգ դպրոցի թիմը Տավուշի մարզը կներկայացնի դպրոցականների թիմային խճուղավազքի եզրափակիչ փուլում։