Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Հարգանքի տուրք՝ Հայոց մեծ եղեռնի զոհերի հիշատակին
24.04.2024
Տավուշի մարզում այսօր՝ ապրիլի 24-ին, ոգեկոչվեց Հայոց մեծ եղեռնի զոհերի հիշատակը։
Մարզկենտրոն Իջևանում, մարզի ղեկավարության գլխավորությամբ երթ էր կազմակերպվել դեպի ցեղասպանության զոհերի հիշատակը հավերժացնող հուշահամալիր՝ հարգանքի տուրք մատուցելու Հայոց մեծ եղեռնի զոհերի հիշատակին։
Մարզի ղեկավարությունը՝ մարզպետ Հայկ Ղալումյանի գլխավորությամբ, ուժային կառույցների, պետական մարմինների, հասարակայնության ներկայացուցիչներ, զինվորականներ, ուսանողներ ու դպրոցականներ ծաղկեպսակներ դրեցին ու ծաղիկներ խոնարհեցին 1915 թվականին նահատակված ավելի քան մեկուկես միլիոն անմեղ հայերի հիշատակը հավերժացնող հուշարձանին։
