Տավուշի մարզպետի աշխատակազմ

ՀՀ Տավուշի մարզպետի տեղակալ Նարեկ Ղուշչյանը Տավուշ - Ռեգեն համագործակցության շրջանակներում հանդիպել է գերմանական փորձագիտական թիմի ներկայացուցիչների հետ, որոնց ուղեկցում էր համագործակցության համակարգող Անժելա Սաղաթելյանը:

Հանդիպմանը ներկա էին Իջևան համայնքի ղեկավար Արթուր Ճաղարյանը, մարզպետի աշխատակազմի զարգացման ծրագրերի մշակման և իրականացման բաժնի պետ Գուրգեն Հարությունյանը, Տավուշի մարզի զբոսաշրջության զարգացման գործակալության խորհրդի նախագահ Սոս Խաչիկյանը և Իջևանի համայնքապետարանի աշխատակիցներ:

Հանդիպման նպատակն էր պլանավորել առաքելության գործընթացի մեկնարկը և փորձագետի հանձնառության հիմնական կետերի համատեղ սահմանումը:
Քննարկել են նաեւ միջազգային գործընկերության շրջանակներում մարզի և խոշորացված համայնքների զարգացման ծրագրերը։ Հատուկ ուշադրություն դարձվեց զբոսաշրջային ծրագրերին և դրանց շրջանակում միջազգային համագործակցությանը։

Հանդիպումը կազմակերպվել էր Գերմանիայի միջազգային համագործակցության աջակցությամբ, որին մասնակցեցին ԵՄ ծրագրերի մշակման փորձագիտական խմբի ներկայացուցիչներ։