Տավուշի մարզպետի աշխատակազմ

  Այսօր Տավուշի մարզպետ Հայկ Ղալումյանը հանդիպում-քննարկում է անցկացրել մարզի սպանդանոցների պատասխանատուների մասնակցությամբ։ Հանդիպմանը մասնակցել են նաև մարզպետի աշխատակազմի գլխավոր քարտուղար Արման Գևորգյանը, ՍԱՊԾ Տավուշի մարզային կենտրոնի պետ Վասիլ Գալստյանը, ՀՀ էկոնոմիկայի նախարարության «Գյուղատնտեսական ծառայությունների կենտրոն» ՊՈԱԿ-ի համաճարակաբան Հունան Եգանյանը, մարզպետի աշխատակազմի համապատասխան ոլորտի պատասխանատուները։ 

  Հանդիպմանը քննարկվել են սպանդանոցների աշխատանքի հետ կապված մի շարք կազմակերպչական հարցեր։ Սպանդանոցների պատասխանատուները ներկայացրել են իրեենց խնդիրները։ Ուշադրությունը հրավիրվել է ֆերմեր-սպանդանոց փոխհարաբերությունների բարելավման ու ակտիվացման վրա։ Քննարկվել են նաև սպանդանոց բերված կենդանիներին ուղեկցող փաստաթղթերին առնչվող հարցեր։

 Առաջարկվել է առավել հետևողական լինել մարզում սպանդանոցային մորթի կազմակերպման հարցում։