Տեղեկատվական կենտրոն
Նորություններ
ՀՀ Տավուշի մարզպետ Հայկ Ղալումյանը ծանոթացել է շինարարական աշխատանքների ընթացքին
10.01.2024
ՀՀ Տավուշի մարզպետ Հայկ Ղալումյանն այցելել է Գանձաքար, Դովեղ և Կիրանց բնակավայրեր, ծանոթացել «300 դպրոց և 500 մանկապարտեզ» ծրագրով իրականացվող դպրոցների կառուցման շինարարական աշխատանքների ընթացքին:
Շինհրապարակներում մարզպետին ուղեկցել են Նոյեմբերյան համայնքի ղեկավարը և նշված բնակավայրերի վարչական ղեկավարները, դպրոցների տնօրենները, շինարարության պատասխանատուները և մարզպետի աշխատակազմի համապատասխան մասնագետները:
Տեղեկացնենք, որ Գանձաքարի 480 աշակերտաքանակով դպրոցի կառուցումը իրականացվում է ՀՀ Տարածքային Զարգացման Հիմնադրամի կողմից 1,8 մրդ ՀՀ դրամ արժողությամբ «Սեյսմիկ բարելավման ծրագիր» շրջանակում «Ասիական զարգացման բանկի» 82% և ՀՀ Կառավարության 18% ֆինանսավորմամբ:
Դովեղի 100 աշակերտաքանակով մոդուլային դպրոց կառուցումը իրականցվում է ՀՀ Քաղաքաշինության կոմիտեի կողմից 782 մլն (առանց հենապատի արժեքի) ՀՀ դրամ արժողությամբ 100% ՀՀ պետական բյուջեի ֆինանսավորմամբ:
Կիրանցի 100 աշակերտաքանակով մոդուլային դպրոցի կառուցումը իրականցվում է ՀՀ Քաղաքաշինության կոմիտեի կողմից 680 մլն ՀՀ դրամ արժողությամբ 100% ՀՀ պետական բյուջեի ֆինանսավորմամբ: