Տեղեկատվական կենտրոն
Նորություններ
Տեղի ունեցավ «Ներառական և հավասարապես որակյալ կրթություն բոլորի համար» աշխատաժողովը:
19.12.2023
Այսօր՝ դեկտեմբերի 19-ին, ԵՊՀ Իջեւանի մասնաճյուղի դահլիճում տեղի ունեցավ «Ներառական և հավասարապես որակյալ կրթություն բոլորի համար» աշխատաժողովը: Աշխատաժողովին ներկա էին Տավուշի մարզպետի տեղակալ Նարեկ Ղուշչյանը, մարզպետի աշխատակազմի համապատասխան ոլորտի ներկայացուցիչները, դպրոցների ուսուցիչներ, այլ հյուրեր:
Աշխատաժողովի նպատակն է ՀՀ Տավուշի մարզի նախադպրոցական, միջնակարգ, նախնական և միջին մասնագիտական ներառական և հավասարապես որակյալ կրթության խթանման գործում կրթության կազմակերպման մանկավարժահոգեբանական աջակցության ծառայությունների լավագույն փորձի, ձեռքբերումների, մարտահրավերների և քաղած դասերի ներկայացումը։
«Ներառական և հավասարապես որակյալ կրթություն բոլորի համար» աշխատաժողովը կազմակերպվել է «Մանկավարժահոգեբանական աջակցության ծառայություններ և կրթության առանձնահատուկ պայմանների կարիք ունեցող երեխաների կրթության կազմակերպմանն օժանդակող միջոցառումներ ՀՀ Տավուշի մարզում» ծրագրի շրջանակում՝ Հայաստանի Հանրապետության կրթության, գիտության, մշակույթի և սպորտի նախարարության ֆինանսավորմամբ:
Հետևեք մեզ նաև Telegram-ում