Տեղեկատվական կենտրոն
Նորություններ
Շրջայց Դիլիջանում
09.12.2023
Դիլիջանում վարչապետը ծանոթացել է նաև Հովհաննես Շարամբեյանի անվան գեղարվեստի դպրոցի հիմնանորոգման աշխատանքներին։ Հուշարձան շենքը նախկին տեսքին բերելու համար ամրակայման, հիմնանորոգման աշխատանքների համար սուբվենցիոն ծրագրով հատկացվել է 232 մլն դրամ, որից Կառավարությունը համաֆինանսավորել է 93 մլն դրամ։
Նիկոլ Փաշինյանը ծանոթացել է նաև Դիլիջան քաղաքի Կալինինի 256 հասցեից մինչև Այգեստան 1/1 հասցեն ընկած հատվածի ասֆալտապատման աշխատանքներին, որոնք արդեն ավարտվել են: Ներկայացվել է, որ սուբվենցիոն ծրագրի շրջանակում իրականացված աշխատանքների ընդհանուր բյուջեն կազմել է 128 մլն դրամ, որի 60%-ը համաֆինանսավորել է Դիլիջանի համայնքապետարանը, իսկ 40%-ը՝ Կառավարությունը: