Տավուշի մարզպետի աշխատակազմ

2023 թվականին համայնքների սոցիալական և տնտեսական զարգացմանն ուղղված կառավարության կողմից հաստատվել են հետևյալ ծրագրերը`

• ճանապարհների կապիտալ նորոգում, ասֆալտապատում՝ 1 մլդ. 277 մլն. 87 հազ. դրամ և սալարկում՝ 712 մլն. 630 հազ. դրամ
• ոռոգման 130 մլն. 135 հազ. դրամ և խմելու ջրի համակարգերի արդիականացում՝ 370 մլն. 574 հազ. դրամ
• պուրակների բարեկարգում՝ 146 մլն. 60 հազ. դրամ
• երեք սահմանամերձ բնակավայրերի գազիֆիկացում՝ 325 մլն. 354 հազ. դրամ:

Արդեն ավարտվել են Իջևան համայնքի ճանապարհների` Ղարագյոզյան, Արցախյան 1, 2, 3, 4 բազմաբնակարան շենքերի բակերի, Բլբուլյան փողոցի 4, 82, 80, 83, 87, 75, 81, 88, 89, 91, 93, 95 բազմաբնակարան շենքերի բակերի, Մետաղագործների փողոցի բազմաբնակարան շենքերի բակերի և Աչաջուր բնակավայրի 42 փողոցի ասֆալտապատման աշխատանքները: Ընդհանուր մակերեսը կազմում է 24,852 հազ. քմ, 380 մլն. 82 հազ. դրամ արժողությամբ, որից համայնքի ներդրումը կազմում է 45%, 171 մլ. 37 հազ. դրամ, իսկ կառավարության ֆինանսավորումը 55%, 209 մլն. 45 հազ. դրամ:

2023թ ճանապարհների բարեկարգման աշխատանքների մնացած մասը ընթացքի մեջ են:

Ավարտվել են նաև Իջևան համայնքի Մայր Հայաստան և Սևքար բնակավայրի գյուղամիջյան պուրակների բարեկարգման աշխատանքները:

Մայր Հայաստան հուշահամալիրը կառուցվել է 1971 թվականին և խորհրդանշում է Իջևան քաղաքի մուտքը: Կառուցումից հետո հուշահամալիրի տարածքում բարեկարգման աշխատանքներ չեն կատարվել, վերջինս գտնվում էր անմխիթար վիճակում: Պետական աջակցության ծրագրով իրականացվել է պուրակի կապիտալ հիմնանորոգման աշխատանքներ, որի նախագծային արժեքը կազմել է 48 մլն. 816 հազ. դրամ, որից համայնքի ներդրումը կազմել է 45%, 21 մլն. 967 հազ. դրամ, իսկ կառավարության ֆինանսավորումը 55%, 26 մլն. 849 հազ. դրամ:

Սևքար բնակավայրի պուրակը կառուցվել է 1980 ական թվականներին. այն երբևիցե չի վերանորոգվել: Պետական աջակցության ծրագրով իրականացվել է պուրակի կապիտալ հիմնանորոգման աշխատանքներ, որի նախագծային արժեքը կազմել է 97 մլն. 243 հազ. դրամ, որից համայնքի ներդրումը կազմել է 45%, 43 մլն. 759 հազ. դրամ, իսկ կառավարության ֆինանսավորումը 55%, 53 մլն 483 հազ. դրամ:

Ընթացքի մեջ է նաև Իջևան համայնքի Վազաշեն բնակավայրի ոռոգման համակարգի արդիականացում ծրագիրը, որի նախագծային արժեքը կազմում է 130 մլն. 135 հազ. դրամ, համայնքի ներդրումը 30%, 39 մլն. 40 հազ. դրամ, իսկ կառավարության ֆինանսավորումը 70%, 91 մլն. 94 հազ. դրամ, կատարված է աշխատանքների 80%-ը:

Ընթացքի մեջ է նաև Իջևան համայնքի Խաշթառակ բնակավայրի խմելու ջրի համակարգի արդիականացում ծրագիրը, որի նախագծային արժեքը կազմում է 376 մլն. 474 հազ. դրամ, համայնքի ներդրումը 25%, 94 մլն.118 հազ. դրամ, իսկ կառավարության ֆինանսավորումը 75%, 282 մլն. 355 հազ. դրամ, կատարված է աշխատանքների 45%-ը:

Այժմ մրցութային փուլում են գտնվում սալարկման և գազաֆիկացման ծրագրերը: