Տավուշի մարզպետի աշխատակազմ

Նոյեմբերի 2-ին Տավուշի մարզպետ Հայկ Ղալումյանը մասնակցել է ՀՀ ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի ու Ֆինանսավարկային և բյուջետային հարցերի մշտական հանձնաժողովների համատեղ նիստին, որտեղ քննարկվել է 2024թ․ պետական բյուջեն։

Համատեղ նիստում քննարկվել է նաև Տավուշի մարզպետի աշխատակազմի ապարատի պահպանության և տարբեր ծրագրերով մարզին հատկացվող գումարների չափերը։

Մասնավորապես`

• ՀՀ 2024թ. պետական բյուջեի նախագծով ՀՀ Տավուշի մարզպետի աշխատակազմի պահպանման ծախսերի համար նախատեսվում է հատկացնել 567 մլն. 677 հազ. դրամ:
• Մարզպետի աշխատակազմի կարողությունների զարգացման ծրագրով 2024 թվականին նախատեսվում է հատկացնել 2.5 մլն դրամ:
• Կրթական ծրագրերի գծով 2024թ. պետական բյուջեից Տավուշի մարզին նախատեսվում է հատկացնել 6մլրդ. 129 մլն. 364 հազ. դրամ, որից կրթության որակի ապահովման համար 209 մլն. դրամ:
• 2024 թվականին ՀՀ Տավուշի մարզի համայնքներին ֆինանսական համահարթեցման նպատակով պլանավորվել է հատկացնել գումար, որը կկազմի 5 մլրդ. 267 մլն. 512 հազ. դրամ:
• Մարզային նշանակության ճանապարհների պահպանման և անվտանգ երթևեկության ծառայությունների համար 2024 թվականին նախատեսվում է հատկացնել 147 մլն. 400 հազ. դրամ: