Տավուշի մարզպետի աշխատակազմ

  Աչաջրի միջնակարգ դպրոցի մարզադահլիճում տեղի են ունեցել ՀՀ մարզերի, Երևան քաղաքի հանրակրթական դպրոցների 7-12-րդ դասարանների աշակերտների միջև անցկացվող «Սպարտակիադա» մարզական միջոցառման ծրագրով վոլեյբոլի մարզային փուլի մրցումները։

  Առաջնությանը մասնակցել են համայնքային փուլում հաղթած տղաների և աղջիկների թիմերը։ Տղաների պայքարում առաջին տեղը գրավել է Սարիգյուղի միջնակարգ դպրոցի թիմը, երկրորդ տեղում Կոթիի միջնակարգ դպրոցի թիմն էր, երրորդ տեղը զբաղեցրել է Չինարիի միջնակարգ դպրոցի թիմը։

  Աղջիկների պայքարում հաղթող է ճանաչվել Խաշթառակի միջնակարգ դպրոցի թիմը։ Երկրորդ տեղը գրավել է Արծվաբերդի միջնակարգ դպրոցի թիմը, երրորդ տեղում Պտղավանի միջնակարգ դպրոցի թիմն էր։

  Մարզային փուլի մասնակից թիմերը պարգևտրվել են ՀՀ Տավուշի մարզպետի հավաստագրերով։

 Մրցաշարում առաջին տեղ գրաված թիմերը կմասնակցեն հոկտեմբերի 12–ին Դիլիջանում կայանալիք միջմարզային փուլի մրցումներին։